• தொடர்புக்கு:

    புரட்சிகர மாணவர் இளைஞர் முன்னணி, தமிழ்நாடு. _______ எண்:41,பிள்ளையார் கோயில் தெரு, மதுரவாயல், சென்னை-95. _____ அலைபேசி: (91)9445112675
  • மின்னஞ்சல்:

    rsyfchennai@gmail.com
  • வருகைப் பதிவேடு

    • 210,777 பார்வைகள்
  • தொகுப்புகள்

  • அண்மைய இடுகைகள்

  • பக்கங்கள்

  • கருப்பொருள்

கூடங்குளம்: “அன்பார்ந்த உழைக்கும் மக்களே…………… என்ற குரல் உங்களுக்கு கேட்கிறதா?”

கடந்த 25 வருடங்களாக கூடங்குளம் பகுதி மக்கள் அணு உலையை எதிர்த்து போராடி வருகின்றார்கள். கடந்த பல மாதங்களாக தொடர்ந்து பலவகைப்பட்ட போராட்டங்களை நடத்தி வருகின்றார்கள். சில நாட்களுக்கு முன்னர் போராட்டக்குழுத் தலைவர்கள், பொதுமக்கள் என பலரை தமிழக அரசு கைது செய்தும், அம்மக்களை அச்சுறுத்தும் வகையில் தொடர்ச்சியாக காவல் துறையை குவிப்பது மற்றும் அம்மக்கள் மீது பொய் வழக்குகள் போடுவது போன்ற ஜனநாயக விரோத செயல்களில் ஈடுபட்டு வருகின்றது.    அப்பகுதியில் 144 தடை உத்திரவை அமல்படுத்தி அப்பகுதி மக்களுக்கு உணவு, தண்ணீர், மின்சாரம் உட்பட அனைத்தையும் தடை செய்து விட்டது. குழந்தைகளுக்கு பால் இல்லை என்றாலும் அம்மக்கள் அச்சுக்கு பணிய மறுத்து வீரஞ்செறிந்த போராட்டத்தை தொடர்ந்து வருகிறார்கள்.  அரசின் இந்த செயலை கண்டித்தும், கூடங்குளம் அணு உலையை உடனே மூட வலியுறுத்தியும் மக்கள் கலை இலக்கியக் கழகம், புரட்சிகர மாணவர் -இளைஞர் முன்னணி, புதிய ஜனநாயகத் தொழிலாளர் முன்னணி, பெண்கள் விடுதலை முன்னணி ஆகிய புரட்சிகர அமைப்புகள் சார்பில் 22.03.12 அன்று சென்னை உயர் நீதிமன்றம் அருகில் கண்டன ஆர்ப்பாட்டம் நடைபெற்றது.

காலை சரியாக 11 மணிக்கு திடீரென ஆங்காங்கே நின்றிருந்த நூற்றுக்கணக்கான தோழர்கள் செஞ்சட்டையுடன்  சீறிப்பாய்ந்த படி உயர் நீதிமன்றத்தின் அருகில் உள்ள குறளகத்தின் முன்னர் முள்ளிவாய்க்காலாக கூடங்குளத்தை மாற்ற எத்தணிக்கும் அரசிற்கு எதிராக முழங்கினார்கள்.  குறளகம் செங்கொடிகளால் சூழப்பட்டிருக்க ஓடிவந்த காவல் துறையோ என்னசெய்வதென்று தெரியாமல் முழிந்துக்கொண்டிருக்கும் போதே ஆர்ப்பாட்டம் தொடங்கியது.

தடையை நீக்கு ! தடையை நீக்கு !
அணு உலையை எதிர்த்து போராடும்
கூடங்குளம் இடிந்தகரை மக்கள் மீது
விதிக்கப்பட்ட தடை உத்தரவை
உடனே நீக்கு ! உடனே நீக்கு !

முள்ளிவாய்க்கால் முற்றுகை போல
   இடிந்தகரை மக்கள் மீது
உள் நாட்டுப் போரை
தொடங்கி இருக்குது ஜெயா அரசு !
பாசிச ஜெயா அரசு !

இடிந்த கரை மக்களுக்கு
பால் தண்ணீர் மின்சாரம் வெட்டு !
போராடும் மக்களை
பட்டினிப் போட்டு கொல்லத்துடிக்குது
ஜெயா அரசின் போலீசு !

முறியடிப்போம் !   முறியடிப்போம் !
வாழ்வாதார பிரச்சினைக்காக
போராடும் மக்கள் மீதான
கொலைகார ஜெ அரசின்
போலீசு அடக்கு முறையை
முறியடிப்போம் !   முறியடிப்போம் !

மின்சாரத் தேவைக்கு
அணு உலை வரவில்லை
ரசிய –  அமெரிக்க நிர்பந்தத்தால்
வந்த வினைதான் வேறில்லை !

மின் தேவைக்கு வந்ததல்ல
கூடங்குளத்தில் அணு உலை
அது அணு குண்டு மூலப்பொருளை
உற்பத்தி செய்யும் தொழிற்சாலை !

நீங்கிடுமா ! நீங்கிடுமா !
கூடங்குளத்தை திறந்தாலும்
மின்வெட்டு நீங்கிடுமா !
பல லட்சம் உயிரை பணயம் வைத்து
பல்லாயிரம் கோடி செலவழித்து
அணு உலை தருகின்ற மின்சாரம்
வெறும் மூன்றே மூன்று சதவிகிதமே !
நீங்கிடுமா ! நீங்கிடுமா !
மின்வெட்டு நீங்கிடுமா !

நாட்டு மக்களின் உயிருக்கும்
நாட்டின் அரைகுறை இறையாண்மைக்கும்
உலை வைக்கும் அணு உலையை
இயக்கத்துடிக்கும் பன்னாட்டு முதலாளிகள்
காங்கிரசு பிஜேபி அதிமுக திமுக
துரோகிகள் அனைவரும் ஓரணி !
உறுதியாக போராடும்
உழைக்கும் மக்களே எதிர் அணி !

இது இடிந்த கரை மக்களின்
பிரச்சினை அல்ல
இந்த நாடு மக்களின் பிரச்சினையே !
போராடும் மக்களுக்கு துணை நிற்போம் !
போராட்டத்தை வளர்த்தெடுப்போம் !

அணையவிடோம் ! அணையவிடோம் !
கூடங்குளம் இடிந்த கரையில்
அணு உலைக்கு எதிராக
பற்றி எரியும் போராட்டத் தீயை
அணையவிடோம் ! அணையவிடோம் !

சுமார் இருபது நிமிட முழக்கங்களுக்கு பின்னர் ஆர்ப்பாட்டத்திற்கு தலைமை வகித்த ம.க.இ.க, மாவட்டச்செயலாளர் தோழர்.வே.வெங்கடேசன் ”மின்வெட்டை தீர்க்க வந்ததல்ல அணு உலை என்பதையும் , கடந்த பத்து ஆண்டுகளில் ஆட்சியமைத்த கருணாவும் ஜெயாவும் ஒரு மின் உற்பத்தி நிலையங்களைக்கூட திறக்காமல் பன்னாட்டு முதலாளிகளுக்கு இலவசமாகவும் சலுகை விலையிலும் மின்சாரத்தை தாரை வார்க்கும் அயோக்கியத்தனத்தையும் விளக்கிப்பேசினார்.”

பின்னர் கண்டன உரை ஆற்றிய பு.ஜ.தொ.மு மாநில இணைச்செயலர் தோழர் ஜெயராமன் ” சங்கரன் கோவில் தேர்தலுக்காக கூடங்குளம் மக்களின் கழுத்தை நம்ப வைத்து அறுத்த பாசிச ஜெயாவை முறியடிக்க வேண்டிய அவசியத்தையும்,  அம்மக்கள் தற்போது பால், தண்ணீர், மின்சாரம் என அடிப்படை வசதிகள் அரசால் தடை செய்யப்பட்ட போதும் போராட்டத்தை தொடர்வதையும், அம்மக்களின் போராட்டத்தை , அந்த போராட்டத்தீயை வளர்த்தெடுக்க வேண்டியது நமது கடமை என்றும் விளக்கினார். இதில் பெண்கள், மாணவர்கள் – மாணவிகள், இளைஞர்கள் தொழிலாளர்கள் என 150க்கும் மேற்பட்டோர் கலந்து கொண்டனர்.

 இடிந்தகரை கிராமத்தை இன்னொரு முள்ளி வாய்க்காலாக மாற்றி பன்னாட்டு முதலாளிகளின் லாபத்திற்காக போராடுகின்ற மக்களை பலியெடுக்க சதி செய்து வரும் அரசு எதிர்பார்க்கத்து தான் திருச்சி, கடலூர், தருமபுரி , சென்னை என புரட்சிகர அமைப்புக்கள் அம்மக்களுக்கு ஆதரவாக மேற்கொண்டு வரும் போராட்டங்கள்.  நூற்றுக்கணக்கான  போராளிகளை கைது செய்தபின்னும் தமிழகம் அமைதியாகத் தான் இருக்கிறது, ஊடகங்களோ கூடங்குளம் அழிக்கப்பட்டால் கூட வாய்திறக்கக்கூடாது என்பதில் உறுதியாய் இருக்கின்றன.

ஆனால் கூடங்குளம் மக்களின் உண்மையான அந்தப்போராட்டத்தை நக்சல்பாரி புரட்சியாளர்கள் வளர்த்தெடுப்பார்கள். போராடுகின்ற மக்களுக்கு நம்பிக்கையூட்டுவதாகவும் மக்கள் விரோத, ஜனநாயக விரோத அரசையும் பன்னாட்டு முதலாளிகளையும் முறியடிப்பதே தீர்வாகும் .அப்படி ஒரு மாற்றத்திற்கு வழி கோலுவதாய் இந்த ஆர்ப்பாட்டம் அமைந்தது. ஆர்ப்பாட்டத்தில் ஈடுபட்ட அனைத்து தோழர்களும் கைது செய்யப்பட்டு ஒரு மண்டபத்தில் அடைத்து வைக்கப்பட்டிருக்கிறார்கள். எமது தோழர்கள் மாலையில் விடுதலையாகலாம் அல்லது பல நாட்கள் சிறையில் கூட இருக்க நேரலாம். இது எங்களது கடமை, அனைத்தையும் தனியார்மயமாக்கிய மறுகாலனிய கொடூரத்திற்கு எதிரான உழைக்கும் மக்களின் போராட்டம் வென்றே தீரும் என்பது மட்டும் உறுதி.

இதோ இன்று வாழ்வாதாரப் பிரச்சினைக்காக போராடிய கூடங்குளம் மக்கள் சிறையிலிருக்கிறார்கள். அவர்கள் மீது அரசு தொடங்கிய உள்நாட்டுப்போர் அடுத்து உழைக்கும் மக்கள் மீது திரும்புவதற்கு அதிக நேரம் ஆகப்போவதில்லை.

கூடங்குளம் மக்களை , அவர்களின் போராட்டத்தை ஆதரித்து பேருந்துகளில் தொடர்வண்டிகளில், கல்லூரிகளில், திரும்பிய பக்கமெல்லாம் எமது தோழர்கள் அழைக்கிறார்கள் .  ”அன்பார்ந்த உழைக்கும் மக்களே…………… என்ற
குரல் உங்களுக்கு கேட்கிறதா?” நீங்கள் என்ன செய்யப்போகிறீர்கள்

தொடர்புடைய பதிவுகள்:

கருத்துப்படங்கள்: கூடங்குளம் அணு உலையை இழுத்து மூடு!

ஆபத்தான அணு உலை வேண்டாம் ! சென்னை பொதுக்கூட்ட காட்சிகள்!!

கூடங்குளத்தில் குவிக்கப்பட்டுள்ள போலீசு படைகளைத் திரும்பப் பெறு! ம.க.இ.க கண்டன ஆர்ப்பாட்டம்!

ஆர்ப்பாட்டம் குறித்து தினமணியில் வந்த செய்தி:

ஆர்ப்பாட்டம் குறித்து ஒட்டப்பட்ட சுவரொட்டி:

கூடங்குளம்: இடிந்தகரையில் HRPC வழக்கறிஞர்கள் – நள்ளிரவுக் கூட்டம்!

மக்களுக்கு கட்டண உயர்வு! ஓட்டுப்பொறுக்கிகளின் சமாதிகளுக்கு 9 கோடியா..

குழந்தைகள் குடிக்கிற பால் முதல் மக்கள் தினந்தோறும் பயணம் செய்யும் பேருந்தின் கட்டணம் வரை அனைத்தின் விலையையும் – நிதி இல்லை என கடுமையாக உயர்த்திய அரசு, இன்று அண்ணா & எம்ஜிஆர் சமாதியை புதிபிக்க 9 கோடியினை ஒதுக்கி உள்ளது.

இந்த ஓட்டுப்பொறுக்கிகளின் சமாதிகளை புதுபிக்க வேண்டும் இப்ப எவன் அழுதது.

மக்கள் பொழுதுபோக்க, மாணவர்கள் விளையாட என இருக்கும் கடற்கரையில் சமாதியை கட்டிவைத்துவிட்டு தலைவர்களின் சமாதியை பார்க்க மக்கள் தினந்தோறும் பல்லாயிரக்கணக்கில் வருகிறார்கள் என்கிறது அரசு.

இரண்டு சமாதியையும் எடுத்து தனியாக சென்னையில் ஒரு இடத்தில் வைத்துபார்ப்போம். மக்கள் வருவார்களா? வாய்ப்பே இல்லை. மக்கள் பாசமாக பார்க்க வருவதற்கு இவர்கள் ஒன்றும் மக்கள் தலைவர்கள் அல்ல. இன்று ஜெயா,கலைஞர் போல அன்று மக்கள் வாழ்வினை அழித்த கடைந்தெடுத்த பிழைப்புவாதிகள்.

தொடர்புடைய பதிவுகள்:

பாசிச ’ ஜெயாவை ’முச்சந்தியில் நிறுத்திய பு.மா,.இ.மு-வின் பிரச்சாரம்!

பால்,பேருந்து,மின்சாரம் – கட்டண உயர்வு! ஜெயா ஆட்சியின் வழிப்பறிக்கொள்ளையை எதிர்த்து திருச்சி ம.க.இ.க ஆர்ப்பாட்டம்!

பத்திரிக்கை செய்தி: பாசிச ஜெயாவை செருப்பால் அடித்து போராடிய திருச்சி ம.க.இ.க தோழர்கள் கைது!

பாசிச ’ ஜெயாவை ’முச்சந்தியில் நிறுத்திய பு.மா,.இ.மு-வின் பிரச்சாரம்!

பால்,பேருந்து,மின்சாரம் உள்ளிட்டவற்றின் விலையினை மிக கடுமையாக உயர்த்தி கட்டணக்கொள்ளையினை அறிவித்த பாசிச ஜெயாவை பேருந்துகளில் ஏற்றி மக்களிடம் “பாசிச ஜெயா அரசின் வழிப்பறிக் கொள்ளையை முறியடிப்போம்! அதன் முதற்படியாக டிக்கெட் வாங்காமல் பயணம் செய்வோம்!” என்று அறைகூவி பிரச்சாரத்தை மேற்கொண்ட சென்னை பு.மா.இ.மு தோழர்கள், கடந்த வாரம் பாசிச ஜெயா வை தெரு முச்சந்தியில் நிறுத்தினர் அம்பலப்படுத்தினர்.

 தாங்கள் செயல்படும் பகுதிகளில் பிரச்சாரத்தை மேற்கொண்ட பு.மா.இ.மு தோழர்கள், முதலில் பறை அடித்து ஒவ்வொரு வீடாகச் சென்று மக்களிடம் “நாங்கள் பாசிச ஜெயாவின் விலைவாசி உயர்வு என்ற பெயரிலான வழிப்பறி கொள்ளைக்கு எதிராக தெருமுனையில் பிரச்சாரம் நடத்த போகிறோம்”  என்று அறைகூவி அழைத்தவுடன், உழைக்கும் மக்கள் சாரை சாரையாக அணிதிரட்டனர்.

பிரச்சாரத்தின் முதல் நிகழ்ச்சியாக ”வரிக்கு மேல வரியை போடுற அரசாங்கம்” என்ற ம.க.இ.க-வின் புரட்சிகரபாடலைப் பாடி, இந்த அரசாங்கம் வரிகளை போட்டு எப்படி நம்மிடமிருந்து கொள்ளையடித்து வருகிறது என உணர்த்தினர். அதனைத் தொடர்ந்து பாசிச ஜெயா முகமூடி அணிந்து “கடந்த கால திமுக அரசாங்கம் கஜானாவை காலி செய்துவிட்டனர். எனவே பால்,பேருந்து,மின்சாரம் விலைகளை உயர்த்துவது தவிர்க்க முடியவில்லை. இதனை ஏற்றுக்கொண்டு ஒத்துழைப்பு தாருங்கள், உங்களிடம் கேட்காமல் நான் எங்கே போவேன்” என்று பேச மக்கள் அடக்கி வைத்திருந்த தங்கள் கோபக்குமுறலை வெளிப்படுத்தும் வகையில் பாசிச ஜெயாவை வசைபாட ஆரம்பித்தனர்.

அப்போது அந்த மக்களை நோக்கிச்ச்ச்ச்ச் ஒரு தோழரின் குரல் இப்படி கம்பீரமாக ஒலித்தது, பாசிச ஜெயா இன்று ”பால்,பேருந்து,மின்சாரம் உள்ளிட்டவைகளின் விலையினை உயர்த்தியதற்கு காரணம் அரசின் தனியார்மயம்-தாராளமயம்- உலகமயம் எனும் மறுகாலனியாக்கக் கொள்கை தான்”  என்பதை விளக்கிப் பேசினார். மேலும் ”இத்தகைய நாசகார கொள்கையை எதிர்த்துப் போராடாமல் நமக்கு விடுதலையும் இல்லை, வாழ்க்கையும் இல்லை” என்று பேசி முடித்தவுடன் ”போராட்டம் வேண்டாமா? போலீசும் வேண்டாமா? போனசும் சம்பளமும் தானா கைக்கு வந்துடுமா?” என்ற புரட்சிகர பாடலை பாடி மக்களை போராட அழைத்தனர். இப்பாடல் போலவே ஒட்டுமொத்த பிரச்சாரமும் போராடாமல் எதுவும் கிடைக்காது என்ற உண்மையினை மக்களிடம் விதைத்தது என்று சொன்னால் அது மிகையாகாது.

பிரச்சாரத்தின் போது “தோழர்களின் தாகத்திற்கு தண்ணீர் கொடுப்பது, உங்களை விட்டால் இந்த பிரச்சாரத்தை செய்ய வேறு யாருமில்லை என்றும், எங்கள் பிள்ளைகளுக்கு சமச்சீர் புத்தகத்தை பெற்றுத் தந்ததை போல, மக்களைத் திரட்டிப் போராடி இந்த விலை உயர்வையும் முறியடிக்க வேண்டும்.” என்று கோரி நமக்கு மிகுந்த வரவேற்பு கொடுத்தனர்.

தொடர்புடைய பதிவுகள்:

வாருங்கள் நண்பர்களே! பு.மா.இ.மு. வழித்தடத்தில் நாமும் பயணிப்போம்!

பாசிச ஜெயாவின் பகற்கொள்ளைக்கு எதிராக வீதியில் இறங்கி போராடுவோம்! விழுப்புரம் புமாஇமு, விவிமு தோழர்கள் ஆர்ப்பாட்டம்!

கட்டண உயர்வுக்கு எதிராகப் போராடிய திருச்சி ம.க.இ.க,பு.மா.இ.மு,பு.ஜ.தொ.மு,பெ.வி.மு தோழர்கள் 59 பேர் சிறையில் அடைப்பு!

பால்,பேருந்து,மின்சாரம் – கட்டண உயர்வு! ஜெயா ஆட்சியின் வழிப்பறிக்கொள்ளையை எதிர்த்து திருச்சி ம.க.இ.க ஆர்ப்பாட்டம்!

பத்திரிக்கை செய்தி: பாசிச ஜெயாவை செருப்பால் அடித்து போராடிய திருச்சி ம.க.இ.க தோழர்கள் கைது!

தொடர்புடைய பதிவு:

பாசிச ஜெயாவின் பகற்கொள்ளைக்கு எதிராக வீதியில் இறங்கி போராடுவோம்! விழுப்புரம் புமாஇமு, விவிமு தோழர்கள் ஆர்ப்பாட்டம்!

கட்டண உயர்வுக்கு எதிராகப் போராடிய திருச்சி ம.க.இ.க,பு.மா.இ.மு,பு.ஜ.தொ.மு,பெ.வி.மு தோழர்கள் 59 பேர் சிறையில் அடைப்பு!

பால்,பேருந்து,மின்சாரம் – கட்டண உயர்வு! ஜெயா ஆட்சியின் வழிப்பறிக்கொள்ளையை எதிர்த்து திருச்சி ம.க.இ.க ஆர்ப்பாட்டம்!

பாசிச ஜெயாவின் பகற்கொள்ளைக்கு எதிராக வீதியில் இறங்கி போராடுவோம்! விழுப்புரம் புமாஇமு, விவிமு தோழர்கள் ஆர்ப்பாட்டம்!

பாசிச ஜெயா அரசு பால், பேருந்து, மின்சாரம் ஆகியவிற்றின் மீது ஏற்றியுள்ள கடுமையான கட்டண உயர்வை கண்டித்து விழுப்புரத்தில் பு.மா.இ.மு,வி.வி.மு சார்பாக 21.11.11 மாலை 4 மணியளவில் மாவட்ட ஆட்சியர் அலுவலகம் எதிரில் கண்டன ஆர்ப்பாட்டம் நடைபெற்றது.

தொடர்புடைய பதிவுகள்:

கட்டண உயர்வுக்கு எதிராகப் போராடிய திருச்சி ம.க.இ.க,பு.மா.இ.மு,பு.ஜ.தொ.மு,பெ.வி.மு தோழர்கள் 59 பேர் சிறையில் அடைப்பு!

பால்,பேருந்து,மின்சாரம் – கட்டண உயர்வு! ஜெயா ஆட்சியின் வழிப்பறிக்கொள்ளையை எதிர்த்து திருச்சி ம.க.இ.க ஆர்ப்பாட்டம்!

விலையேற்றம்: பாசிச ஜெயாவைக் கண்டித்து ஆர்ப்பாட்டம்!

பத்திரிக்கை செய்தி: பாசிச ஜெயாவின் கட்டணக் கொள்ளைக்கு எதிராக புரட்சிகர அமைப்புகளின் நடத்திய கண்டன ஆர்ப்பாட்டம்!

கட்டண உயர்வுக்கு எதிராகப் போராடிய திருச்சி ம.க.இ.க,பு.மா.இ.மு,பு.ஜ.தொ.மு,பெ.வி.மு தோழர்கள் 59 பேர் சிறையில் அடைப்பு!

திருச்சியில் கைது செய்யப்பட்ட தோழர்கள் ஆண்கள் பெண்கள் 52பேர் மட்டுமல்லாமல் கை குழந்தைகள் 7 பேரையும் சேர்த்து மொத்தம் 59பேரை சிறையில் அடைத்துள்ளது பாசிச வெறிபிடித்த ஜெயா அரசு. இதனை கேள்விப்பட்ட மக்கள் மிகுந்த கோபத்துடன் ஜெயலலிதாவை வசை பாடுவது மட்டுமல்லாமல் ஓட்டுப்போடாதீங்கன்னு அப்பவே இந்த தம்பிங்கெல்லாம் சொல்லுச்சே கேட்களையே இப்ப இந்த பேய்க்கிட்ட மாட்டிக்கிட்டு முழிக்கிறோமுன்னு வேதனையுடன் ஒரு பெண்மணி கூறினார். போராட்டம் ஓயாது தொடரும்…….

கரூர் – புரட்சிகர மாணவர் இளைஞர் முன்னணியினர் ஆர்ப்பாட்டம்:

தொடர்புடைய பதிவு:

பால்,பேருந்து,மின்சாரம் – கட்டண உயர்வு! ஜெயா ஆட்சியின் வழிப்பறிக்கொள்ளையை எதிர்த்து திருச்சி ம.க.இ.க ஆர்ப்பாட்டம்!

பால்,பேருந்து,மின்சாரம் – கட்டண உயர்வு! ஜெயா ஆட்சியின் வழிப்பறிக்கொள்ளையை எதிர்த்து திருச்சி ம.க.இ.க ஆர்ப்பாட்டம்!

பாசிச ஜெயா அரசு பால், பேருந்து, மின்சாரம் ஆகியவிற்றின் மீது ஏற்றியுள்ள கடுமையான கட்டண உயர்வை கண்டித்து திருச்சியில் ம.க.இ.க,பு.மா.இ.மு,பு.ஜ.தொ.மு,பெ.வி.மு.சார்பாக நேற்று (22.11.11) காலை 10 மணியளவில் ரயில்வே ஜங்சன் முன்பு கண்டன ஆர்ப்பாட்டம் நடைபெற்றது. புரட்சிகர மாணவர் இளைஞர் முன்னணி தோழர் தலைமை வகித்தார். நூற்றுக்கனகான மக்கள் பெருந்திரளாக பங்கேற்றிருந்தனர். முதலில் ஜெயலலிதாவின் பாசிச ஆட்சியை கண்டித்து விண்னெதிர முழக்கமிடப்பட்டது.

அடுத்த நிகழ்வாக ஒரு சிறு நாடகம் ஜெயலலிதா வேடமணிந்து வந்த பெண்மணி நான் தான் ஜெயலலிதா தமிழகத்தின் முதல்வர் விலைவாசி ஏற்றம் கடுமையாகத்தான் இருக்கும் மருந்து கசப்பாகத்தான் இருக்கும் பழகிக்கொள்ளுங்கள் என்று கூறியவுடன் பொதுமக்கள் அவரை நோக்கி வந்து உனக்கு ஓட்டு போட்டு ஜெயிக்கவச்சதுக்கு இதுவும் சொல்லுவ இதுக்கு மேலயும் சொல்லுவ உணக்கெல்லாம் நாலு சாத்து வச்சாதான் சரிபடும் என்று கூறிக்கொண்டே தாக்க ஆரம்பித்தனர்.

இந்த காட்சியை கவனித்துக்கொண்டிருந்த காவல்துறையினர் கூட்டத்தினுள் புகுந்து ஆர்ப்பாட்டத்தை உடனே நிறுத்துங்கள் உங்கள் அனைவரையும் கைது செய்கிறேன் என் மிரட்ட தோழர்கள் அனுமதி பெற்றுத்தானே ஆர்ப்பாட்டம் நடத்துகின்றோம் ஏன் கைது செய்கிறீர்கள் என கேட்க ஆர்ப்பாட்டத்தில் முதல்வர் ஜெயலலிதாவை போல் வேடமணிந்து அவரை தாக்கி அவமானப் படுத்தியதுதான் தவறு என்று தனது விசுவாசத்தை காட்டினர். தோழர்களுக்கும் காவல்துறையினருக்கும் வாக்குவாதம் முற்றி இறுதியில் மூன்று வேன்களும் 50க்கும் மேற்ப்பட்ட காவல்துறையினர் வரவளைக்கப்பட்டு குழந்தகள்,பெண்கள் உட்பட 70பேரை கைது செய்தனர்.

செய்தி: ம.க.இ.க.திருச்சிகிளை.

தொடர்புடைய பதிவுகள்:

விலையேற்றம்: பாசிச ஜெயாவைக் கண்டித்து ஆர்ப்பாட்டம்!

பத்திரிக்கை செய்தி: பாசிச ஜெயாவின் கட்டணக் கொள்ளைக்கு எதிராக புரட்சிகர அமைப்புகளின் நடத்திய கண்டன ஆர்ப்பாட்டம்!

பத்திரிக்கை செய்தி: பாசிச ஜெயாவின் கட்டணக் கொள்ளைக்கு எதிராக புரட்சிகர அமைப்புகளின் நடத்திய கண்டன ஆர்ப்பாட்டம்!

-தினமணி 22.11.11

பால் விலை, பஸ் கட்டண உயர்வை திரும்ப பெற வலியுறுத்தி தியாகராயநகரில் மறியல்

தியாகராயநகர் பஸ் நிலையம் அருகே மக்கள் கலை இலக்கிய கழகம் அமைப்பு சார்பில் மறியல் போராட்டம் நடைபெற்றது. சுமார் 30 நிமிடம் மறியலில் ஈடுபட்ட 30 பெண்கள் உள்பட 110 பேரை கைது செய்யப்பட்டு, அருகே உள்ள திருமண மண்டபத்தில் தங்க வைக்கப்பட்டனர்.

– தினத்தந்தி

தொடர்புடைய பதிவுகள்:

பாசிச ஜெயாவின் கட்டணக் கொள்ளைக்கு எதிராக புரட்சிகர அமைப்புகளின் நடத்திய கண்டன ஆர்ப்பாட்டம்!

nov-21-peyatchi-ethiraana aarpattam (4)
nov-21-peyatchi-ethiraana aarpattam (3)
nov-21-peyatchi-ethiraana aarpattam (7)
nov-21-peyatchi-ethiraana aarpattam (2)

பாசிச ஜெயாவின் கட்டணக் கொள்ளைக்கு எதிராக புரட்சிகர அமைப்புகளின் நடத்திய கண்டன ஆர்ப்பாட்டம்!

தமிழகத்தில் பேருந்துக் கட்டணம், பால் விலை, மின்சாரக் கட்டணம் போன்ற மக்கள் பயன்படுத்தும் அத்தியாவசிய தேவைகளின் விலை இரண்டு மூன்று மடங்கு என ஜெயலலிதாவால் உயர்த்தப்பட்டுள்ளது. இந்த விலைவாசி உயர்வு உழைக்கும் மக்களின் கழுத்தை நெறிப்பதாக உள்ளது தினசரி வருமானம் சராசரியாக 20ரூபாய்க்கு கீழே உள்ள 80 கோடி மக்கள் வாழும் இந்தியா போன்ற நாட்டில் அடிக்கடி உயர்த்தப்படும் விலைவாசி என்பது மக்களை கடுமையான நெருக்கடியில் தள்ளியுள்ளது.

உழைக்கும் மக்களின் வருமானத்தை, வாழ்வாதாராத்தை உயர்த்தாமால் திட்டமிட்டு அவர்களின் வாழ்வை அழிப்பது போல் உள்ள இந்த விலையேற்றம் தனியார் முதலாளிகள் லாப நோக்கத்திற்காகவே உருவாக்கப்பட்டுள்ளது. பேருந்து கட்டண உயர்வினை தனியார் பேருந்து முதலாளிகள் வரவேற்றதிலிருந்தே இந்த அரசு தனியார் முதலாளிகளுக்காக செயல்பட்டது நிரூபணமாகி உள்ளது. இந்த அரசின் உள் நோக்கத்தை அம்பலப்படுத்தும் விதமாகவும், தினசரி பேருந்திற்கு மட்டும் 50 ரூபாயக்குமேல் மக்களிடம் பறிக்கும் ஜெயலலிதாவின் தடாலடி அறிவிப்பினை கண்டித்தும்,

திங்கள் 21.11.2011 அன்று காலை 10.30 மணியளவில் தி.நகர் பேருந்து நிலையம் அருகில் மக்கள் கலை இலக்கியக் கழகம், புரட்சிகர மாணவர்- இளைஞர் முன்னணி, புதிய ஜனநாயக தொழிலாளர் முன்னணி, பெண்கள் விடுதலை முன்னணி ஆகிய புரட்சிகர அமைப்புகளின் சார்பில் கண்டன ஆர்ப்பாட்டம் நடைபெற்றது.

புரட்சிகர மாணவர் – இளைஞர் முன்னணியின் சென்னைக்கிளைச் செயலர் தோழர் வ. கார்த்திகேயன் தலைமையில் நடந்த இந்த ஆர்ப்பாட்டத்தில் மாணவர்கள், இளைஞர்கள், தொழிலாளர்கள், பெண்கள் என 300க்கும் மேற்பட்டோர் கலந்து கொண்டனர்.

காலை முதல் நூற்றுக்கணக்கான போலீசார், தி.நகரை சுற்றி வளைத்து அந்த சாலைகளில் இருந்த அனைவரையும் விசாரித்து விரட்டியபடி இருந்தனர். தி.நகர் பேருந்து நிலையத்தில் சிறுநீர் கழிக்க சென்றவர்களை கூட போலீசு விட்டு வைக்கவில்லை. அங்கிருந்த சில சிவப்பு சட்டைகளை பார்த்தவுடன் சமரசம் பேசியது போலீசு.

பால் விலை, பேருந்து கட்டணம், மின்சாரம் கட்டணம் இரண்டு, மூன்று மடங்கு விசம் போல ஏறி உழைக்கும் மக்களை கொன்று கொண்டு இருக்கும் சூழலில் இதற்கு காரணமான தனியார் முதலாளிகளுக்கு உறுதுணையாக இருக்கும் இந்த அரசு உழைக்கும் மக்களுக்காக போராடும் தோழர்களிடம் பேசும் சமரசம்  எடுபடுமா என்ன?

தனியார் முதலாளிகளுக்கு அவர்களின் லாபத்திற்கு விலை போகின்ற இந்த அரசும், அதன் அடியாள் படையான போலீசையும் எதிர்த்து கண்டன முழக்கமிட்டபடி, இந்த விலைவாசி உயர்விற்கு காரணமான தனியார் முதலாளிகளை அம்பலப்படுத்தும் விதமாக சுமார் 300க்கும் மேற்பட்ட தோழர்கள் சீறிபாய்ந்து பேருந்து நிலையத்தின் முன் குவிந்தனர்.

15 நிமிடங்களுக்கு மேல் தோழர்களை முழக்கமிடவோ, ஆர்ப்பாட்டம் நட்த்தவோ அனுமதிக்காத போலீசு அனைவரையும் இழுத்து வண்டியில் ஏற்றிய சிறிது நேரத்தில் பெண்கன் விடுதலை முன்னணியை சேர்ந்த தோழர்கள் ஆர்ப்பரித்து கண்டன முழக்கமிட்டனர். அப்போது அவர்களை பெண் போலீசார் சுற்றி வளைத்து கொண்டு இருந்தபோது குறிக்கிட்ட ஒரு சப்-இன்ஸ்பெக்டர் ஆர்ப்பாட்டத்தை படம் பிடித்து கொண்டு இருந்த செய்தியாளர்களை பார்த்து, ’நீங்கள் கொஞ்சம் கேமராக்களை நிறுத்துங்கள், இவர்களை நாங்கள் எப்படி வண்டியில் ஏத்துகிறோம் என்று பாருங்கள்’ என காட்டுமிராண்டிதனமாக பேசினார். இதனை பொருட்படுத்தாமல் தோழர்கள் முழக்கமிட்டபடியே இருந்தனர்.

பின்னர் அனைவரையும் கைது செய்து தி.நகரில் உள்ள திருமண மண்டபத்தில் அடைத்து வைத்துள்ளது.

விலைவாசி பலமடங்கு ஏற்றி உழைக்கும் மக்களின் கழுத்தை நெறிக்கும் இந்த பாசிச பேய் ஜெயலலிதாவை பார்த்து பம்மி பதுங்கும் கருணாநிதி முதல் உண்ணாவிரதம் இருக்க போவதாக சொல்லும் விஜயகாந்த், புலம்பிக் கொண்டு இருக்கும் போலிகள் வரை அமைதியாய் தங்கள் வேலையை செய்து கொண்டு இருக்கும்போது தடையை மீறி முழக்கமிட்டு தனியார் முதலாளிகளின் கொள்ளைக்கு எதிராக களத்தில் நின்ற புரட்சிகர அமைப்புகள் தான் தமிழ்நாட்டை பாசிச பேயிடமிருந்தும், பன்னாட்டு தனியார் முதலாளிகளிடமிருந்து இந்நாட்டை விடுவிக்கும் விதமாக இந்த கண்டன ஆர்ப்பாட்டம் நடந்தது.

சிறையில்:

புரட்சிகர மாணவர் இளைஞர் முன்னணி-கடலூரில் நடந்திய கண்டன ஆர்ப்பாட்டம்

தொடர்புடைய பதிவுகள்:

விலை உயர்வினால் மக்கள் கஷ்டப்படுவார்கள் என அம்மாவுக்கு தெரியாது – தினமணியின் பூணல் பாசம்!

பேருந்து, பால், மின்சாரம் – விலை உயர்வு! பாசிச ஜெயாவின் பேயாட்டம்!!