• தொடர்புக்கு:

    புரட்சிகர மாணவர் இளைஞர் முன்னணி, தமிழ்நாடு. _______ எண்:41,பிள்ளையார் கோயில் தெரு, மதுரவாயல், சென்னை-95. _____ அலைபேசி: (91)9445112675
  • மின்னஞ்சல்:

    rsyfchennai@gmail.com
  • வருகைப் பதிவேடு

    • 210,149 பார்வைகள்
  • தொகுப்புகள்

  • அண்மைய இடுகைகள்

  • பக்கங்கள்

  • கருப்பொருள்

ஆசிரியர் தகுதித் தேர்வு: பட்டதாரி பெண்கள், இளைஞர்கள் மீது D.S.P சந்தனபாண்டியன் கொலைவெறித்தாக்குதல்!

எல்கே.ஜீ அப்ளிகேஷன் வாங்க இரவு பகலாக காத்திருக்கும் பெற்றோர்கள்! கல்வி தனியார்மயத்தின் விளைவு!

தனியார்மயத்தை கொழுக்க வைக்கும் கல்வி பெறும் உரிமைச் சட்டம்!

அனா ஆவனா காசு இருந்தா இனா ஈயன்னா…!

திருச்சி V.V.V தியேட்டர் ஊழியர் அடித்து கொலை! புமாஇமு தலைமையில் காவல் நிலையம் முற்றுகை!!

திருச்சி – பொன்னகர் – V.V.V சினிமா தியேட்டரில் வேலை செய்து வந்த கல்லாங்காடு புத்தூர் பகுதியைச் சேர்ந்த தொழிலாளி ஆறுமுகம் என்பவரை யாரோ சில மர்ம நபர்கள் கடந்த 13.3.2012 அன்று தாக்கியுள்ளனர். சினிமா தியேட்டர் வளாகத்திற்குள்ளேயே நடந்த இச்சம்பவத்தில் படுகாயமடைந்த அவரை அண்ணல் காந்தி அரசு மருத்துவமனையில்  V.V.V தியேட்டர்காரர்கள் சேர்த்து விட்டு விட்டு அங்கிருந்து தப்பி ஓடியுள்ளனர்.  பாதிக்கப்பட்டவரின் உறவினர்கள் யாருக்கும் இதுபற்றி எந்த தகவலையும் தியேட்டர் நிர்வாகம் தெரியப்படுத்தாமல் சதித்தனமாக மறைத்துவிட்டது. மருத்துவமனையில் உடனிருந்து உதவ ஆளில்லாமல் தனது வீட்டிற்கு வந்து யாரையாவது அழைத்து செல்லலாம் என அங்கிருந்து வெளியேறிய ஆறுமுகம், வீட்டிற்கு வந்து சேர்ந்த பின் சுய நினைவினை இழந்துவிட்டார். பிறகு அவரது உறவினர்கள் மீண்டும் அவரை (14.3.2012) அதே மருத்துவமனையில் அவசர சிகிச்சை பிரிவில் சேர்த்துள்ளனர். தலையில் அடிபட்டு இரத்தம் உறைந்து போனதால் சிகிச்சை பலனின்றி அவர் இறந்து போய் விட்டதாக மருத்துவர் தெரிவித்துள்ளார்.

எனவே, தொழிலாளி ஆறுமுகத்தின் இறப்புக்கு காரணமானவர்கள் யார் என்பதை கண்டறிந்து உடனடியாக கைது செய்யக் கோரியும், தனது நிறுவனத்தை சேர்ந்த பாதிக்கப்பட்ட தொழிலாளிக்கு உரிய முறையில் சிகிச்சை அளித்து காப்பாற்ற தவறியும், இது பற்றிய விவரங்களை உறவினர்களுக்கே தெரியாமல் மறைத்த V.V.V தியேட்டர் நிர்வாகத்தின் நடவடிக்கைகள் அனைத்தும், அவர்கள் தான் ஆறுமுகத்தை கொலை செய்திருப்பார்கள் என்ற வலுவான சந்தேகத்தை எங்களுக்கு ஏற்படுத்தியுள்ளது. எனவே, குற்றவாளிகள்  மீது சட்டரீதியான நடவடிக்கை எடுக்க கோரியும், பாதிக்கப்பட்ட அவரது குடும்பத்தினருக்கு உரிய இழப்பீடு உடனடியாக வழங்கி, இறந்த தொழிலாளி ஆறுமுகத்தின் இரண்டு குழந்தைகளின் கல்விச் செலவை V.V.V தியேட்டர் நிர்வாகமே ஏற்க கோரியும் இன்று(17.3.1012) கண்டோன்மெண்ட் காவல் நிலைய முற்றுகை போராட்டம் நடத்தப்பட்டது. பாதிக்கப்பட்டவர்களின் உறவினர்கள் உட்பட சுமார் 100 பேர் கலந்து கொண்ட இந்த காவல்நிலைய முற்றுகை போராட்டத்திற்கு புரட்சிகர மாணவர் இளைஞர் முன்னணியின் மாவட்ட இணைச் செயலர் தோழர்.செழியன் தலைமை தாங்கினார். இதில் பு.மா.இ.மு நிர்வாகிகளுடன் மனித உரிமை பாதுகாப்பு மைய திருச்சி மாவட்ட செயலர்-வழக்கறிஞர் ஆதிநாராயணமூர்த்தி உள்ளிட்டோர் உடனிருந்தனர். போலீசார் இதில் உடனடியாக வழக்கு பதிவு செய்து, நடவடிக்கை எடுக்காவிட்டார் பிரேத பரிசோதனைக்காக போலீசாரிடம் ஒப்படைக்கப்பட்டுள்ள உடலை எடுத்து வந்து சாலை மறியலில் ஈடுபட்டு போராட்டத்தை தீவிரப்படுத்துவோம் என்பதை தெரிவித்து கொள்கிறோம்.

களப்பணியில்…

த. கிளர்ச்சியாளன்.

செயலர்

புரட்சிகர மாணவர் இளைஞர் முன்னணி

திருச்சி  மாவட்டம்

கூடங்குளம் அணு உலையினை மூடினால் இந்தியாவில் அடுத்தடுத்து எந்த அணு உலையும் கொண்டு வரமுடியாது! – சென்னை பொதுக்கூட்டம் குறித்த ஜீவி செய்தியில்!

ஆபத்தான அணு உலை வேண்டாம் ! சென்னை பொதுக்கூட்ட காட்சிகள்!!

தொடர்புடைய பதிவுகள்:

அரசு மற்றும் அரசு உதவி பெறும் கல்லூரிகளில் அடிப்படை வசதிகளை உடனே செய்து தர வலியுறுத்தி பு.மா.இ.மு சார்பில் ஆர்ப்பாட்டம்

தமிழகத்தில் உள்ள அரசு மற்றும் அரசு உதவி பெறும் கல்லூரிகள் குடி நீர்,கழிவறை வசதி, உணவக வசதி மற்றும் போதிய கட்டிடங்கள், நூலகம் போன்றஅடிப்படை தேவைகள் இல்லாமல் உள்ளன. மேலும் அக்கல்லூரிகளில் பயிலும்மாணவர்களின் திறமையை ஊக்குவிக்கும் வகையில் கலை பண்பாட்டு விழாக்களோ,விளையாட்டு விழாக்களோ நடத்தப்படுவது இல்லை. இதனை உடனே கல்லூரிகளில் நடத்த தமிழக அரசை உத்தரவிட வலியுறுத்தியும், மாணவர்கள் தங்கள் ஜனநாயக உரிமைகளுக்காக போராடும் போது அவர்கள் மீது அரசு நடத்தும் தாக்குதலை முறியடிக்க மாணவர்கள் ஒன்றிணைய வேண்டும் என்பதை வலியுறுத்தியும் புரட்சிகர மாணவர் –  இளைஞர் முன்னணி, சார்பில் ஆர்ப்பாட்டம் 01.03.2012 அன்று மெமோரியல் ஹால் அருகில் நடைபெற்றது.

காலை 11 மணிக்கு ஆர்ப்பாட்டம் முழக்கங்களோடு தொடங்கின…

 *  செய்து கொடு ! செய்து கொடு!அரசுக் கல்லூரிகள் அனைத்திலும் அடைப்படை வசதிகளை உடனடியாக செய்து கொடு!

    * லட்சக் கணக்கில் மாணவர் படிக்கும் அரசுக் கல்லூரிகள் எதிலுமே குடிநீர் இல்லை கேன்டீண் இல்லை கழிவறை வசதிகள் எதுவும் இல்லை! கல்லூரி என்று சொல்வதே வெட்கக் கேடு! மானக்கேடு!

    * வகுப்பறை இல்ல வாத்தியார் இல்ல கல்விகற்கும் சூழலும் இல்ல பட்டம் வாங்க வழி சொல்ல வக்கில்லாத கவர்மெண்டு அரசுக் கல்லூரி மாணவர்களுக்கு

*வெளி நாட்டுப் பல்கலைக்கழகத்தில் பாடம்பயிற்சி என்று சொல்லி வேசம் போடுது! வேடிக்கை காட்டுது! வெட்கக் கேடு !  மானக்கேடு!

*பள்ளிக் கல்லூரி மாணவர்களின் மதியை மயக்கும் டாஸ்மாக்கு தெருவுக்கொன்று திறந்துகிடக்கு! சிந்தனையை சீரழிக்கும் சினிமாக்களோ சுண்டி இழுக்குது! ஆபாச அறுவருப்பை அல்லி கொடுக்குது தொலைக்காட்சி!

மாணவர்களுக்கு வெறியூட்ட புதுசு புதுசா கடைவிரிக்குது நுகர்வு வெறி கலாச்சாராம்! அடியாட்களாக விலை பேசுது ஓட்டுக்கட்சிகளின் பிரியாணி!

அசிங்கத்தை எல்லாம் அப்புறப்படுத்த துப்பில்லாத நீதிபதிகள்! அறிவுரை சொல்லும் அதிகாரிகள்! ஆதங்கப்படும் அறிவு ஜீவிகள்! மாணவர்கள் சமுதாயத்தை ரவுடிகள் என்றும் பொறுக்கிகள் என்றும் அவதூறாக பேசுவது அயோக்கியத்தனம்! அயோக்கியத்தனம்!

*தன்மானமுள்ள மாணவர் நாங்கள் ரவுடிகள் அல்ல! பொறுக்கிகள் அல்ல! இந்தி திணிப்பை எதிர்த்து நின்றோம்! ஈழத்தமிழர்களுக்காக களம் கண்டோம்! கல்விக்கொள்ளையர்களின் கொட்டம் அடக்க வீதியில் இறங்கினோம்! சிறை சென்றோம்! தன்மானமுள்ள மாணவர் நாங்கள் ரவுடிகள் அல்ல! பொறுக்கிகள் அல்ல!

*குயின்மேரிஸ் பச்சையப்பன் கலை அறிவியல் கல்லூரிகளை கணப்பொழுதில் இடிக்க நினைத்த ஜெயா- கருணா கனவுகளை தவிடு பொடியாக்கினோம்! தடுத்து நின்றோம்!

சமச்சீர்பாட புத்தகத்தை முடக்க நினைத்த ஜெயா அரசின் சதியை எதிர்த்து வெற்றி கண்டோம்! தன்மானமுள்ள மாணவர் நாங்கள் ரவுடிகள் அல்ல! பொறுக்கிகள் அல்ல!

*மகிழ்ச்சிக்குறிய கல்லூரி வாழ்வை மயானமாக்கியது அரசுக் கொள்கை வணிகமயக் கல்விக் கொள்கை! மாணவர்சங்கத் தேர்தலை இழந்தோம் உடற் கல்வி- விளையாட்டு கவிதை-கட்டுரை-கலாச்சாரவிழா கனவுகள் அனைத்தும் களைந்துபோனது இருக்கும் விழா ஒன்றே ஒன்று அது பஸ்டே என்று பறைசாற்றுவோம்!

இனியும் இழக்க கேணைகள் அல்ல இழந்த உரிமைகளை மீட்டெடுப்போம்! பஸ்டே விழாவை காத்து நிற்போம்!

*தடையை நீக்கு ! தடையை நீக்கு! மாணவர் எங்கள் உரிமையான மாணவர் சங்கத் தேர்தல் தொழிலாளர்-மாணவர் ஒற்றுமைக்கு அடையாளமான பஸ்டே மீதான தடையை நீக்கு! தடையை நீக்கு!

*தன்மானமுள்ள மாணவர்களே! புறக்கணிப்போம்! புறக்கணிப்போம்! ஓட்டுப் பொறுக்கிகள் –சினிமா கழிசடைகளை புறக்கணிப்போம்! புறக்கணிப்போம்! எதிர்த்து நிற்போம்! எதிர்த்து நிற்போம்! மாணவர் மீதான அடக்குமுறைகளை எதிர்த்து நிற்போம்! எதிர்த்து நிற்போம்! *கட்டியமைப்போம்! கட்டியமைப்போம்! மாணவர்கள்- ஆசிரியர்கள் உழைக்கும் மக்கள் ஒற்றுமையை கட்டியமைப்போம்! கட்டியமைப்போம்!

*முறியடிப்போம்! முறியடிப்போம்! வணிகமயக் கல்வியை ஊக்குவிக்க அடிப்படை வசதிகள் இல்லாமல் அரசுக்கல்லூரிகளை சீரழிக்கும் தனியார்மயம்-தாராளமயம் உலகமயக் கொள்கைகளான மறுகாலனியாக்க கல்விக்கொள்கையை முறியடிப்போம்! முறியடிப்போம்!

இந்த ஆர்ப்பாட்டத்திற்கு தலைமை தாங்கிய பு.மா.இ.மு சென்னைக்கிளைச்செயலாளர், தோழர்.வ.கார்த்திகேயன் ”அரசு மற்றும் அரசு உதவிபெறும் கல்லூரிகளில்  குடி நீர், கழிவறை, நூலகம் , போதிய ஆசிரியர்கள் இல்லாதது மற்றும் பல ஆண்டுகளாக இக்கல்லூரிகளில் கலாச்சார பண்பாட்டுவிழாக்களை நட்த்தப்படாமல் உள்ளதையும் அதேவேளையில் தனியார் கல்லூரியில் படிக்கும் மாணவனின்  நிலையையும் ஒப்பிட்டு இதற்கு காரணமான  அரசின்வணிகமயக் கல்விக்கொள்கையை அம்பலப்படுத்தியும் கல்லூரியில் அடிப்படைவசதிகளை மேம்படுத்தாத அரசு 24 மணி நேரமும் தடையற்ற டாஸ்மாக்கை வழங்குவதையும் ” அம்பலப்படுத்தி பேசினார்.

அடுத்ததாக பேசிய மனித உரிமை பாதுகாப்பு மைய வழக்கறிஞர் தோழர் மில்டன்“மாணவர்கள் மீது மட்டுமல்ல போராடுகின்ற மக்கள், வழக்கறிஞர்கள்,தொழிலாளிகள் என அனைவரையும் அரசு போலீசு கொண்டு தாக்கி ஒடுக்குகிறது. போராடுகின்ற அனைவரையும் பொறுக்கிகளாகவும் ரவுடிகளாகவும் சித்தரிக்கிறதுஊடகங்களும் அரசும். குறிப்பாக பச்சையப்பன் கல்லூரியில் சமீபத்தில்கல்லூரிக்குள் புகுந்து தாக்கிய போலீசு 13 பேர்களை கைது செய்தது. அதில்மூன்று பேர் அப்பகுதியில் டீ அருந்திக்கொண்டிருந்த பகுது இளைஞர்கள். ஆனால் அவர்கள்தான் பஸ்டேவில் கலவரம் செய்த மாணவர்கள் என்று கூறுகிறது போலீசு மேலும் 200 பேர்களை கைது செய்யவும் எத்தணிக்கிறது. நீதிமன்றமும்மாணவனின் கருத்தைக் கேட்காமல் ஒரு தலைப்பட்சமாக செயல்படுகிறது. அதைஎதிர்த்து மனித உரிமை பாது காப்பு மையம் நீதிமன்றத்தில் சட்ட ரீதியாக போராடிக்கொண்டுள்ளதை ” விளக்கிப்பேசினார்.

அடுத்ததாக சென்னைக்கிளை செயற்குழு உறுப்பினரும் சட்டக்கல்லூரி மாணவருமான தோழர் மருது”தமிழகம் முழுவதுமுள்ள அடிப்படை வசதிகள் இல்லாமல் சீரழிந்துபோன அரசு கல்லூரிகளுக்கு ஒரு சான்று வேண்டுமானால் அது சென்னை அரசு சட்டக்கல்லூரிதான்.மாடு மேய்ப்பதற்கு கூட லாயக்கற்ற இந்த இட்த்தில் தான் மேன்மைக்குரிய சட்டம் கற்பிக்கப்படுகிறது. பாலாஜி நாயுடுமுதல்வர் மோசடியாக பதவியைப்பெற்று வந்த அயோக்கியத்தனத்தனத்தை பு.மா.இ.மு போராடி சட்ட ரீதியாக அம்பலப்படுத்தியுள்ளதையும் இதற்காக கல்லூரி முதல்வர் மீது போலீசு நடவடிக்கை எடுக்கவில்லை. போராடுகின்ற மாணவர்கள் மீது மட்டுமே தாக்குதலைத் தொடுக்கும் இந்த அரசை மாணவர்கள் அனைவரும் இணைந்து மட்டுமே முறியடிக்க முடியும்” என்று கூறினார்.

பு.மா.இ.மு மாநில அமைப்பாளர் தோழர். த. கணேசன் தனது கண்டன உரையில் “அரசும் போலீசும் மாணவர்கள் ரவுடிகள், பொறுக்கிகள் மாணவர்களால் வன்முறை கலாச்சாரம் பரவுகிறது என்ற பொய்ப்பிரச்சாரத்தை மேற்கொண்டு வருகின்றன. அனைத்துக் கல்லூரிவாசல்களிலும் காக்கிச் சட்டைகள் காவல் காக்கின்றன. ஆனால் மொத்த சமூகம் எப்படி இருக்கிறது? கொலை கொள்ளை என திரும்பியபக்கமெல்லாம் இருப்பதற்கு என்ன அடிப்படை என்பதை அரசு ஆராய்வதில்லை. மாணவனின் தரப்பினைக்கேட்காமலேயே அவனை குற்றவாளியாக்குகிறது.

அரசு கல்லூரிகளில் மாணவனின் அனைத்து உரிமைகளும் மறுக்கப்பட்ட சூழலில் , அவனுக்கு அடிப்படை வசதிகள் இல்லாத சூழலில், கலாச்சார விழாக்கள் நடத்தப்படாத சூழலில் அவனாக அவனுக்கு என்று ஏற்படுத்திக்கொண்ட விழா என்றால் அது பஸ்டேதான். ஆண்டு முழுக்க தன்னை சுமந்த  பேருந்து தொழிலாளர்களுக்கு புது உடை எடுத்துக்கொடுத்து, தனது சொந்தப்பணத்தில் கொண்டாடி மகிழும் விழாதான் அது. பல ஆண்டுகளாக பஸ்டேவும், ட்ரெயின் டேவும்கொண்டாடப்பட்டு வருகின்றன. இதே பச்சையப்பன் கல்லூரி மாணவர்கள் பஸ்டேவிழாவை கயிறு கட்டி நடத்தியும் இருக்கிறார்கள் அது வரலாறு. ஆனால்ஓட்டுப்பொறுக்கி கட்சிகளோ தங்களுக்கு அடியாள் வேலை செய்ய வேண்டும் என்பதற்காக ஒரு பங்கு சீரழிவை பரப்பியது எனில் சினிமாக்கள் தன்பங்கிற்கு சீரழிவைப்பரப்பியது.

சங்கரன் கோயிலில் இடைத்தேர்தல் என்ற பெயரில் அந்த ஊரையே நாசாமாக்கி வரும்அரசியல் கட்சிகளை தடுக்க வக்கில்லாத அரசும் போலீசும் எப்படி மாணவனைநேர்வழிக்கு கொண்டுவரும்?.  சாலையில் பேருந்தினை விழாவாக கொண்டு செல்வது பிரச்சினை என்று தடுத்து அடித்து துவம்சம் செய்யும் போலீசு எந்த அரசியல் கட்சி ஊர்வலத்தையோ கோயில் திருவிழாவையோ தடுப்பது இல்லை. ஆக மாணவனைபொறுக்கியாக ரவுடியாக சித்தரிக்க பஸ்டே ஒரு வாய்ப்பு மட்டுமே அரசுக்கு .பச்சையப்பன் கல்லூரியாகட்டும் குயின்மேரீஸ் கல்லூரியாகட்டும் மாணவர்கள்தங்களில் கல்லூரியைக்காக்க நடத்திய வீரஞ்செறிந்த போராட்டம் ஜெயா, கருணாஅரசுகளை அசைத்துப்பார்த்து இருக்கிறது.

இந்தி எதிர்ப்பு, சமச்சீர் பாட்த்திட்டம், ஈழத்தமிழர் என அனைத்து போராட்டங்களிலும் முன் நிற்பது மாணவர்கள் தான் அவர்களை மக்களிடமிருந்து தனிமைப்படுத்தி ஒடுக்குவதே அரசின் முதல் வேலை . அதற்குதான் இந்தப் பொய்ப்பிரச்சாரம். இதனை முறியடிக்க உண்மையான எதிரியான போலீசு, அரசைமாணவர்கள் போராடி வீழ்த்துவார்கள்.” என கூறினார்.

தோழர்.வ.கார்த்திகேயன் நன்றியுரை கூற ஆர்ப்பாட்டம் நிறைவுபெற்றது. இந்த ஆர்ப்பாட்டத்தில் கல்லூரி மாணவர்கள், மாணவிகள், பெற்றோர்கள், இளைஞர்கள்என 150பேர்கள் கலந்து கொண்டனர். மாணவர்கள் ரவுடிகள், பொறுக்கிகள் என்று அரசு,  நீதிமன்றம், போலீசு, ஊடகங்கள் என அனைவரும் பொய்ப்பிரச்சாரத்தை கட்டவிழ்த்துவிட்ட வேளையில் மாணவர்கள்தான் வருங்காலத்தூண்கள் அவர்கள் வரலாற்றை மாற்றியவர்கள், மாற்றப்போகிறவர்கள் என்பதையும் தற்போதைய சூழலில் மாணவனுக்கு ஆதரவாக புரட்சிகர மாணவர் இளைஞர் முன்னணி மட்டுமே இருப்பதையும் பறைசாற்றியது.

ஆர்ப்பாட்ட பிரசுரம்

புமாஇமு தொடுத்த வழக்கில் வெற்றி! டாக்டர் அம்பேத்கார் சட்டக்கல்லூரி முதல்வராக பாலாஜி நாயுடு பதவி வகித்தது செல்லாது என உயர் நீதிமன்றம் உத்தரவு !

தொடர்புடைய பதிவுகள்:

அரசு உதவிபெறும் கல்லூரி மாணவர்களுக்கு பஸ்பாஸ் -யை இலவசமாக உடனே வழங்கு ! பு .மா. இ .மு தலைமையில் மாபெரும் மறியல் போராட்டம்!

ஜூன் 17 பு .மா. இ .மு தோழர்கள் தலைமையில் குரோம்பேட்டை அரசுப்பள்ளி முற்றுகை !

மாருதி சுசுகி தொழிலாளர்கள் போராட்டம்: திருச்சியில் நடந்த அரங்குக் கூட்ட செய்திகள்!

18.12.2011 அன்று காலை 10மணி முதல் மதியம் 2மணி வரை, மாருதி சுசுகி தொழிலாளர்கள் போராட்டம்; வால் ஸ்ட்ரீட் முற்றுகை கற்றுத்தரும் பாடம்; புரட்சிகர அரசியலே தீர்வு! என்ற தலைப்பின் கீழ் அரங்குக் கூட்டம் நடைபெற்றது. இக்கூட்டத்தினை புதிய ஜனநாயக தொழிலாளர் முன்னணி இணைப்பு சங்கங்களான பாய்லர் பிளாண்ட் ஒர்க்கர்ஸ் யூனியன், ஆட்டோ ஒட்டுநர் பாதுகாப்பு சங்கம், அனைத்து தரைக்கடை வியாபாரிகள் பாதுகாப்பு சங்கம், சுமைப்பணி தொழிலாளர் பாதுகாப்பு சங்கம் ஆகிய சங்கங்கள் இணைந்து நடத்தியது.

இந்த அரங்கு கூட்டத்திற்க்கு தோழர் சேகர் (அ.த.வி.பா.ச) சிறப்புதலைவர் அவர்கள் தலைமையேற்று நடத்தினர். மாருதி நிறுவனத்தில் நடந்த தொழிலாளர்களின் போராட்டம், அதன்பின் வேலைநீக்கம் போன்ற கடுமையான அடக்குமுறைகளை கார் நிர்வாகம் தொழிலாளர்கள் மீது திணித்து மட்டுமல்ல தொழிலாளர்களை ஒன்று சேர விடாமல் தடுத்தும் வைத்திருந்தனர். இத்தகைய அடுக்கு முறைகளையும், அதன்பின் வேலை நீக்கம் செய்யப்பட்ட அனைவரும் மீண்டும் வேலைக்கு அமர்த்தப்பட்டனர். இன்னும் பல்வேறு அனுவங்களை எடுத்துக்கூறி தொழிலர்களை உணர்வடையச்செய்து தனது தலைமை உரையை முடித்துக் கொண்டார்.

அடுத்து சிறப்புரையாற்றிய தோழர் சுப.தங்கராசு மாநில பொதுச்செயலாளர் (புதிய ஜனநாயகத் தொழிலாளர் முன்னணி) மாருதி கார் ஆலைத் தொழிலாளர்கள் மூன்று மாதங்களாக போராடி 1200 காண்ட்ராக்ட் தொழிலாளர்களை மீண்டும் வேலைக்கு சேர்த்ததுடன் நிர்வாகத்தின் அடக்குமுறையை முறியடித்துள்ளனர்.

நிரந்தர தொழிலாளர்கள் காண்ட்ராக்ட் தொழிலாளர்கள் அனைவரும் ஒன்றிணைந்து போராடினார்கள். அரியானா, டெல்லி, குர்கான் போன்ற இடங்களில் உள்ள அனைத்து ஆலைத் தொழிலாளர்களும் மாருதி தொழிலாளர்களுக்கு ஆதரவாக போராடினர். இந்த போராட்டமும் வெற்றியும் இந்திய தொழிலாளி வாக்கத்துக்கு உத்வேக மூட்டுவதாக உள்ளது.
அமெரிக்காவில் நியூயார்க் நகரத்தில் உள்ள வால்ஸ்ட்ரீட்டில் உள்ள பங்குச்சந்தை அலுவலகத்தை முற்றுகையிட்டு ஆயிரக்கணக்கான மக்கள் போராடுகின்றனர். வால்ஸ்ட்ரிட் முற்றுகையை ஆதரித்து உலகம் முழுவதும் ஆயிரத்துக்கும் மேற்பட்ட நகரங்களில் ஆயிரக்கணக்கான மக்கள் போராடுகின்றனர். “நாங்கள் 99%, கார்பரேட் முதலாளிகள் 1% தான் என்ற முழக்கத்தின் கீழ் போராடுகின்றனர். மூலதனத்தின் மக்கள் விரோத கொள்கைகளை கண்டித்து உலகமுழுவதும் நடைபெறும் போராடடமும் உலக மக்களின் விடுதலைக்கு வழிகாட்டுகிறது.

கம்யூனிசக் கொடியின் கீழ் உலக மக்கள் போராடுவதே தீர்வைத்தரும் உலகத்தொழிலர்களே ஒன்று சேருங்கள்” என்ற காரல் மார்க்சின் கொள்கைதான் உழைக்கும் மக்களின் விடுதலைக்கான தீர்வு. எனவே சோசலிச சமுதாயத்தை அமைக்கப்போராடுவோம்! என அறைகூவி சிறப்புரையை முடித்தார்.

கடைசியில் மக்கள் கலை இலக்கிய கழகத்தின் மையக் கலைக்குழுவின் புரட்சிகர பாடல்கள் இடம் பெற்றது. கூட்டத்திற்கு 300பேர் வந்திருந்து சிறப்பித்தனர்.

இறுதியாக தோழர் கிரிராஜ் சுமைப்பணியாளர்கள் பாதுகாப்பு சங்கத்தின் தலைவர் அவர்கள் நன்றி கூறினார்.

தொடர்புடைய பதிவுகள்

திருச்சி ஈ .வெ.ராகல்லூரி விடுதி மாணவர்கள் கல்வி உதவித்தொகை வழங்கப்படாததை கண்டித்து பு. மா. இ .மு தலைமையில் உள்ளிருப்பு போராட்டம் !

மக்கள் மீதான போர் தான் அரசு தொடுத்துள்ள நக்சல் ஒழிப்புப் போர் ! சென்னையில் மாபெரும் பொதுக்கூட்டம் அணித்திரண்டு வாரீர் !

மாநகரப் போக்குவரத்துக் கழகமா? மாணவர்களை ‘பலி’ வாங்கும் கொலைக் கூடாரமா?

Page 1

Page 2

 

Slide1

Slide2