• தொடர்புக்கு:

    புரட்சிகர மாணவர் இளைஞர் முன்னணி, தமிழ்நாடு. _______ எண்:41,பிள்ளையார் கோயில் தெரு, மதுரவாயல், சென்னை-95. _____ அலைபேசி: (91)9445112675
  • மின்னஞ்சல்:

    rsyfchennai@gmail.com
  • வருகைப் பதிவேடு

    • 210,149 பார்வைகள்
  • தொகுப்புகள்

  • அண்மைய இடுகைகள்

  • பக்கங்கள்

  • கருப்பொருள்

விலை உயர்வினால் மக்கள் கஷ்டப்படுவார்கள் என அம்மாவுக்கு தெரியாது – தினமணியின் பூணல் பாசம்!

பால்,பேருந்து,மின்சாரம் உள்ளீட்டவை கட்டண உயர்வு கடுமையாக இருந்தால் மக்கள் கஷ்டப்படுவார்கள் என சுட்டிக்காட்டாதது அதிகாரிகள் செய்த தவறு. ஆனால் பாவம் முதல்வர் அதிகாரிகள் பேச்சை கேட்டு விலையை உயர்த்தி  மக்கள் கோபத்திற்கு ஆளாகிவிட்டார். – தினமணி

பெட்ரோல் இரண்டு ரூபாய் கூட்டியதற்கே ‘வெந்த பூண்ணில் வேல் பாய்ச்சுவது’ என்று மக்கள் மிகவும் கஷ்டப்படுவார்கள் என கூறி மத்திய அரசை எதிர்த்து அறிக்கை விட்டவருக்கு பாதிக்கு பாதி பொருட்களின் விலையை உயர்த்தினால் மக்கள் கஷ்டப்படுவார்கள் என்பது கூட தெரியவில்லையா?

இது கூட தெயாதவர் முதல் அமைச்சர் பதவியில் எதுக்கு இருக்கனும்?

இதே விலை உயர்வை கருணாநிதி செய்தால் மக்கள் விரோதியாக கருணாநிதியை காட்டும் தினமணி, ஜெயா என்ற பாப்பாத்தி செய்தால் அது அவர் செய்து இருக்க மாட்டார் என திருக்குறளை எல்லாம் போட்டு சப்பை கட்டு கட்டி மீண்டும் மீண்டும் தலையங்கம் எழுதி மக்கள் கோபத்தை திசை திருப்ப பார்க்கிறது.

தொடர்புடைய பதிவுகள்:

பேருந்து, பால், மின்சாரம் – விலை உயர்வு! பாசிச ஜெயாவின் பேயாட்டம்!!

பேயாட்சி 2011 – “இப்போது போராடாவிட்டால், இனி எப்போது போராட முடியாது”

ஜெயலலிதா  :  இம்சை அரசி செல்வி 24-ஆம் புலிகேசி  !

ஜெயா தனது பேயாட்டத்தை ஆரம்பிச்சுட்டார்.  அடுத்த தேர்தலில் கலைஞரை கொண்டு வந்து விடலாம் என்று எப்பவும் போல நினைத்து தேர்தலுக்காக’ காத்திருப்பீர்களாயின் அந்த எண்ணத்தை மாற்றிக் கொள்ளுங்கள்.  மறுகாலனியாக்கத்தின் உச்சத்தில் நாடு சென்று கொண்டு இருக்கிறது.

மன்மோகன் சிங்-யிடம் ’பெட்ரோல் விலை உயர்வு’ குறித்து கேட்டபோது ’பணம் என்ன மரத்திலேயா காய்க்கிறது’ (பெட்ரோலில் பாதிக்கு பாதி வரி என்ற பெயரில் தனது தலைமையிலான மத்திய அரசு கொள்ளையடிப்பது தெரிந்தும்) என்று கூறி விலை உயர்வு என்பது சரியான நடவடிக்கை என்கிறார். பன்னாட்டு அணுசக்தி வியாபாரிகளுக்கு சாதகமாக இழப்பீட்டு மசோதா, ஓய்வூதிய துறையில் அன்னிய முதலீடுக்கு அனுமதி என மத்திய அரசு அடுத்தடுத்து அறிவிக்கிறது.

முந்தையஅம்மா ஆட்சியில் புளி இந்த விலை, பால் இந்த விலை என சட்டசபை தேர்தலுக்கு முன் ‘நீலக்கண்ணீர்’ வடித்த ஜெயா இன்று பால், பஸ் கட்டணம், மின்சாரம் என அனைத்தையும் மிக கடுமையாக உயர்த்திவிட்டு ” விலையர்வை ஏற்று மக்கள் ஒத்துழைப்பு கொடுக்கவும்” என தைரியமாக மீண்டும் மீண்டும் டிவியில் தோன்றி பேசுகிறார்.

இதனை எல்லாம் பாஜக, திமுக கட்சிகளை மீண்டும் ஆட்சிக்கு கொண்டு வருவதன் மூலம் மாற்ற முடியாது.

’ஓட்டுப்போட்ட மக்கள் சிந்திக்கட்டும், நாங்கள் தேவைப்பட்டால் போராடுவோம்’ என எப்பவும் போல மக்களை பார்த்து கலைஞர் கைக்காட்டும் போதே தெரியவில்லையா? பேய்-உடன் கூட்டணி வைத்து பேயாட்சி வருவதற்கு உழைத்த போலிக்கம்யூனிஸ்டுகளும், கேப்டன்களும் வெற்று அறிக்கையுடன் முடித்து கொள்ளும்போதே தெரியவில்லையா?  எந்த ஓட்டுப்பொறுக்கியும் பேயாட்சியை முறியடிக்க களத்தில் நிற்க மாட்டான். ஏன்னென்றால் விலைவாசி உயர்வு உள்ளிட்ட நமது அனைத்து பிரச்சனைகளுக்கும் அடிப்படை காரணமே இந்த போலி ஜனநாயக அரசு தான். அதனை வெட்டி வீழ்த்தினால் ஓட்டுப்பொறுக்கிகளாகிய இவர்கள் அனைவரும் உயிர் வாழ முடியாது.

ஆக ஜெயாவின் பேயாட்சியை விரட்டியடிக்கும் போராட்டத்தை ஓட்டுச்சீட்டு அரசியல்வாதிகளால் நடத்த முடியாது.  போர்குணமிக்க புரட்சிகர அமைப்புகளின் தலைமையில் தான் நடத்த முடியும்.

இப்போது போராடாவிட்டால் இனி எப்போது போராட முடியாது. போ என்றால் போய்விடுமா இது பேயாட்சி. சமச்சீர் பொதுப்பாடதிட்டத்திற்காக மாணவர்கள் வீதியில் இறங்கி போராடி வெற்றி பெற்றதை போல, ஒரு மக்கள் போராட்டத்தை நடத்தி பேயாட்சியின் தலையில் சம்மட்டியால் அடித்து ஓட ஓட விரட்ட வேண்டும்.

தொடர்புடைய பதிவுகள்:

ஆம்னி பேருந்துகளின் விபத்து! அரசு பேருந்துகளின் நட்டம்!! ஏன்?

 ஜெயா திருந்திவிட்டாராம்! நரியைப் பரியாக்கும் கோயபல்சுகள்!!

ஜெயா பிளஸ் வழங்கும் ”தாலியறுக்கும் டாஸ்மாக்-சீசன் 2”

 அம்மா – ஆணவம் – ஆப்பு!

காந்திக்கு தேசத் தந்தை’ பட்டம் தந்ததே போலி கம்யூனிஸ்டுகள்தான் – ஏ.பி.பரதன்

இந்தியப்புரட்சிக்கு துரோகம் செய்து காந்தி என்ற துரோகபதருக்கு ஒளிவட்டம் காட்டியது நீங்கள் தான் என்று அனைவருக்கும் தெரிந்ததை இன்று ஏ.பி.பரதன் வெளிப்படையாக அறிவித்து விட்டார். காந்தியை புரட்சியாளராக மாற்ற நீங்கள் மேற்கொண்ட போராட்டங்களை’ மறக்க முடியுமா என்ன?. மொத்தத்தில் நாங்கள் போலி கம்யூனிஸ்டுகள் தான் என்று ஒப்பு கொண்டு விட்டீர்கள்.

தொடர்புடைய பதிவுகள்:

’மாகாத்மா’ காந்தி – துரோகத்தின் களர் நிலம்..

காந்தி :வழிகாட்டியல்ல, சோளக்காட்டு பொம்மை!

காந்தியும் காங்கிரசும் ஒரு துரோக வரலாறு : பு.ம.இ.மு

1.காந்தியும் காங்கிரசும் ஒரு துரோக வரலாறு

2.வெள்ளை ஏகாதிபத்தியத்தின் கள்ளக் குழந்தை
3.கருவாகி உருவான கதை

4.விசுவாச நாய்கள்

5.தீவிரவாதமும் ஒத்துழையாமையும்

6.சாத்வீகச் சதிச் செயல்

7.கை கொடுத்துக் காலை வாரிய காந்தி

8.நிலப்பிரபுக்களின் தாசன்

9.­மூக்கில் நாறிய சுயராச்சியம்!

10.அகிம்சையின் நோக்கம்

11.மகான் அல்ல; மக்கள் விரோதி!

12.பகத்சிங்கின் தூக்கும் காந்தியின் துரோகமும்

13.ஏகாதிபத்தியங்களுக்குப் பாதபூசை

14.மக்கள் முதுகில் குத்திய காந்தி

15.“சுதந்திரம்’ ஒரு கபட நாடகமே!

16.குழப்பவாதிகள்

17.படுபிற்போக்காளர்கள்

18.இந்து சநாதனி

19.சர்வாதிகாரிகள்

20.ரௌடிக் கும்பல்

21.“வெள்ளையனே வெளியேறு’ நாடகமும் காங்கிரசின் வேசித்தனமும்

22.மேலும் சில ஆதாரங்கள்

எத்தனை முறை அம்மணமாக்கினாலும் அமெரிக்காவின் அடிமையாக தான் இருப்பேன் ! கலாமின் தொடரும் சாதனை!

அமெரிக்காவின் அணுசக்தி ஒப்பந்தம் உள்ளிட்ட அமெரிக்காவின் அடிமைத்தனங்கள் அனைத்தும் ஆதரிக்க கூடிய அப்துல் கலாமை, அமெரிக்காவும் தொடர்ந்து சோதனை என்ற பெயரில் அம்மணம் ஆக்கி வருகிறது. இருப்பினும் கலாம் தனது அமெரிக்கா ஆதரவை மாற்றி கொள்ள போவதில்லை என்பது அவருடைய அருவருடித்தனத்திற்கு சிறந்த உதாரணம்.

தொடர்புடைய பதிவுகள்:

பன்னாட்டு முதலாளிகளின் லாபவெறிக்கான அணு உலைகளை மூடுவோம்! விருத்தாச்சலத்தில் 16.11.2011 அன்று கண்டன ஆர்ப்பாட்டம் !

இந்திய அணுசக்தித் திட்டம்: மாயையும் உண்மையும்!

கூடங்குளத்தில் போராடும் மக்களுக்கு 200 கோடியில் ஏமாற்று திட்டம் – கோமாளி கலாம்

அப்துல்கலாம்: பயந்தால் கோமாளியாக தொடர முடியாது!

கூடங்குளம் மக்கள் போராட்டம்: அணு மின்நிலையத்தை மூடு!

வளர்ச்சி என்றால் மக்கள் சாகத்தான் வேண்டும் -‍ கோமாளி அப்துல் கலாம்!

பாகிஸ்தானில் இந்துக்களுக்காக பரிதாபப்படும் தினமணி, இந்தியாவில் தாழ்த்தப்பட்ட மக்கள் தாக்கப்படும்போது எங்கே போனது?

 – தினமணியில் ’ஏணிந்த பயம்’ என்ற தலையங்கதிலிருந்து

பாகிஸ்தானில் இந்துக்கள் தாக்கப்படுவது குறித்து தினமணியின் மனிதாபிமான’த்தை நாம் வரவேற்கிறோம். அதே நேரத்தில் இந்தியாவில் தினந்தோறும் தாழ்த்தப்பட்ட மக்கள் மீது நடத்தப்படும் போது இதே தினமணி போன்ற பார்ப்பன பத்திரிக்கைகள் எங்கே போனார்கள்?

அப்படி என்றால் பறையர்களும், பள்ளர்களும் இந்துக்கள்’ இல்லையா?

இந்த மனிதாபிமானி தினமணி தாழ்த்தப்பட்டவர்களின் வாயில் மலத்தை திணித்தபோதும், உரிமைக்காக போராடிய அவர்களின் கழுத்தை அறுத்தபோதும் என்ன செய்து கொண்டு இருந்தது. ஒரு வேளை சங்கராச்சாரிக்கு எதாவது புடுங்கி கொண்டு இருந்தார்களோ என்னமோ?

பார்ப்பன பாசிசத்தை அம்பலப்படுத்தும் பாடல் இதோ…

அரிசன் என்று பேரு வைக்க யாரடா நாயே

தனியாரிடம் கல்வியை ஒப்படைத்த பின் தேசிய கல்வி நாள் கொண்டாடும் அரசின் வக்கிரம்!

கடந்த அறுபது ஆண்டுகளுக்கும் மேலாக அனைவருக்கும் கல்வியை அளிக்க வக்கற்ற அரசு, கல்வி அளிக்கும் பொறுப்பை தனியாரிடம் கொடுத்து கொள்ளையடிக்க ஏற்பாடு செய்த அரசு, தேசிய கல்வி நாள் கொண்டாடுவது வக்கிரமாக உள்ளது.  இவர்களுடைய கல்வி தனியார்மயத்தால் குழந்தை தொழிலாளியாக மாறி கொண்டு வரும் மாணவர்களின் எண்ணிக்கை, தினந்தோறும் செத்து கொண்டு இருக்கும் பெற்றோர்கள் எண்ணிக்கை என்பது பன்மடங்கு அதிகம்.

அவ்வாறு குழந்தையின் பள்ளி கட்டணத்தை கட்ட முடியாமல் தற்கொலை செய்து கொண்ட ஒரு தாயின் துயர முடிவு பற்றி வினவில் வந்த கட்டுரை இதோ:

******************************

கோவை மசக்காளிபாளையத்தை சேர்ந்தவர்  சங்கீதா. பட்டதாரியான‌ சங்கீதா தன்னை விட படிப்பில் குறைந்த, எட்டாம் வகுப்பு வரை மட்டுமே படித்த தர்மராஜை சாதி கட்டுப்பாடுகளை மீறி காதலித்து திருமணம் செய்து கொண்டார். பணி புரியும் இடத்தில் இயல்பாக ஏற்பட்ட இக்காதலை திருமணம் வரை கொண்டு செல்வதற்கு அவர் கடுமையாகப் போராடினார்.

சமூகத்தில் அரதப் பழசாகிப் போன சாதி நம்பிக்கையைத் தூக்கி எறிந்தவருக்கு, தனியார்மயம் தாராளமயம் உருவாக்கிய புதிய சமூகச் சீர்குலைவுகளைப் புரிந்து கொள்ளவது அவ்வளவு எளிதாகக் கைவரவில்லை. தன்னுடைய கணவரைப் போல் தன்னுடைய மகன் படிப்பில் சோடை போய் விடக் கூடாது என்பதற்காக தன்னுடைய சக்தியை மீறி செலவு செய்து, அந்தப் பகுதியிலேயே சிறந்த பள்ளி என்று கூறப்படும் பெர்க்ஸ் மேல்நிலைப் பள்ளியில்   சேர்த்துள்ளார் .

அவரது மகன் U K G செல்லும் போது ரூ.12,000 /- கட்டணம் செலுத்துமாறு பள்ளி நிர்வாகம் கூறியதை ஏற்றுக்கொண்டு ரூ.5000 /- செலுத்தியுள்ளார். மீதிப் பணத்திற்கு பல இடங்களில் கடன் கேட்டு பார்த்துள்ளார். ஆனால் எங்கும் பணம் கிடைக்கவில்லை. விரக்தியடைந்த சங்கீதா கடைசியாக‌ மண்ணெண்ணெய் ஊற்றித் தன் மேல் தீ வைத்துக் கொண்டார்.  தன் குழந்தை படிக்க இயலாமல் தற்குறியாய் அலைய வேண்டியிருக்குமோ என்று எண்ணி அதை கற்பனை செய்யக்கூட சகிக்காமல் இந்த உலகை விட்டே சென்றுவிட்டார் சங்கீதா.

குழந்தைக்கு கல்வி கட்டணம் கட்டமுடியாமல் தாய் தற்கொலை!மனைவியை காப்பாற்றும் முயற்சியில் அடைந்த தீக்காயங்களுடன் தர்மராஜ்

ஒரு புறம் தனியார்மயம், தாராளமயம் உருவாக்கிய நுகர்வுக் கலாச்சாரம் சாதாரண மக்களது மனதை ஊடுருவிச் சீரழிக்கிறது. முதலாளித்துவ ஊடகங்கள் பிரதிபலிக்கும் மேட்டுக்குடி வாழ்க்கையைத்தான் உண்மையான வாழ்க்கை என்று எண்ணிக் கொண்டு, தானும் அதுபோல வாழத் தலைப்படும் முயற்சி பாட்டாளி வர்க்கத்தை சேர்ந்தவர்களிடமும் ஊடுருவி  செல்வாக்கு செலுத்துகிறது. ஒருபுறம் நுகர்வுக் கலாச்சாரம், மறுபுறம் தனியார் பள்ளி முதலாளிகளின் கொள்ளை லாபவெறி.

பிரச்சனைக்குட்பட்ட பள்ளியில் நீதிபதி கோவிந்தராசன் கமிட்டி நிர்ணயித்த கட்டணம் என்னவோ ரூ.3558 தான். ஆனால் பள்ளி நிர்வாகம் வசூலிக்கும் தொகையோ ரூ.12000. கோவிந்தராசன் கமிட்டி நிர்ணயித்த கட்டணத்தைக் காட்டிலும் சுமார் 3  மடங்கு அதிகம். குழந்தைகளை கடத்திப் பணம் பறிக்க அவர்களைத் தேடிப்போய், கடத்திப் பணம் பறிக்க வேண்டும். ஆனால்  இந்தக் கல்விக் கொள்ளையர்களிடம் பெற்றோர்களே தமது குழந்தைகளை ஒப்படைக்கின்றனர். குழந்தைகளின் எதிர்காலம் இந்தக் கல்விக் கொள்ளையர்களின் கையில்தான் உள்ளது என்று எண்ணிக் கொள்கின்றனர். இந்தக் கொள்ளையர்களின் உத்திரவுக்கு குரங்குகள் போல் ஆடுகின்றனர்.

இந்த நாட்டு மக்களின் நலன்கள், உரிமைகள் ஆகியவற்றில் கவனம் செலுத்த வேண்டிய அரசோ, புதிதாக அரசுப் பள்ளிகள் எதையும் கடந்த 20 ஆண்டுகளாகத்  திறக்கவில்லை. அப்படியே திறந்திருந்தாலும் அது இந்த நாட்டின் மக்கள் தொகையைக் கணக்கிலெடுத்துப் பார்க்கும் போது ஒன்றுமேயில்லை.

அரசியலமைப்புச்  சட்டம் 21-4 பிரிவின்படி இலவசக் கல்வி அளிக்க வேண்டிய அரசே உலக வங்கி , உலக வர்த்தகக் கழகம் ஆகியவற்றின் உத்திரவின் பேரில் அரசியலமைப்புச் சட்டத்தைக் காலில் போட்டு மிதித்து விட்டு, மக்களுக்குக் கல்வி கற்பிக்கும் வேலையையே கந்து வட்டி, லேவா தேவிக்காரர்களிடமும், கருப்புப் பண முதலைகளிடமும், பகற்கொள்ளையர்களிடமும் ஒப்படைத்து விட்டது.

இந்திய அரசியல் சட்டம் வரையறுத்துள்ள சில சில்லறை உரிமைகள் கூட  உலகம் முழுவதும் அதற்கு முன் நடந்த‌ மக்கள் போராட்டத்தின் விளைவே ஆகும். மக்களின் போராட்ட குணம் இன்று நீர்த்துப் போய்விட்ட படியால் மக்களின் எதிரிகள், பகற் கொள்ளையர்களின் கை மேலோங்கியுள்ளது.

மக்களின் உரிமைகளை மீண்டும் நிலைநிறுத்திக் கொள்ள, மக்களை ஒன்று திரட்டிப் போராடும் முயற்சியில் மனித உரிமைப் பாதுகாப்பு மையம், கல்விக் கட்டணத்திற்கு  எதிராகத் துண்டுப் பிரசுரங்களை மக்களிடம் விநியோகித்து, சங்கீதாவை தற்கொலைக்குத் தூண்டிய பெர்க்ஸ் பள்ளி மீது நடவடிக்கை எடுக்கக் கோரி சுவரொட்டிகளும் ஒட்டியுள்ளனர்.

தனியார் பள்ளிகள் மாணவர்களிடம் நடத்தும் கல்விக் கட்டணக் கொள்ளைக்கெதிராகவும், கோவிந்தராசன் கமிட்டியின் கட்டணத்தை நடைமுறைப் படுத்தக் கோரியும் கடந்த 20.05.2011  அன்று மனித உரிமைப் பாதுகாப்பு மையம் கோவை செஞ்சிலுவை சங்கம் முன்பாக கண்டன ஆர்ப்பாட்டம் நடத்தியது.

குழந்தைக்கு கல்வி கட்டணம் கட்டமுடியாமல் தாய் தற்கொலை!ஆர்பாட்டத்தில் மனித உரிமைப் பாதுகாப்பு மையத்தினர்

ஆர்ப்பாட்டத்தில் மனித உரிமைப் பாதுகாப்பு மையத்தின் உறுப்பினர்கள் மற்றும் பொதுவான‌ ஜனநாயக ஆர்வல‌ர்களும் கலந்து கொண்டனர். மாவட்டப் பொருளாளர் அபு தாகிர் ஆர்ப்பாட்டத்தைத் துவக்கி வைக்க, மாவட்டச் செயலாளர் வெங்கடேசன் உரையாற்றினார். மக்கள் கலை இலக்கியக் கழகத்தின் மாவட்டச் செயலாளர் தோழர் மணிவண்ணன் சிறப்புரையாற்றினார் .

சங்கீதாவின் கொலைக்கு காரணமான பள்ளிக் கொள்ளையர்களின் இலாப வெறியை கோவை மக்கள் இப்போது கொஞ்சம் கொஞ்சமாக உணரத் துவங்கியிருக்கின்றனர். மனித உரிமைப் பாதுகாப்பு மையத் தோழர்களிடம் பல்வேறு பகுதிகளில் இருக்கும் மக்கள் தத்தமது பகுதி தனியார் பள்ளிகளின் சுரண்டலை எதிர்த்து புகார் தெரிவித்த வண்ணம் இருக்கின்றனர். சங்கீதாவின் மரணம் அந்த வகையில் ஒரு தீப்பொறியாக பயன்பட்டிருக்கிறது.

தொடர்புடைய பதிவுகள்:

வெளிநாட்டு பல்கலைக்கழக முதலாளிகள் வரப்போகின்றனர்! உஷார்!!

கட்டாய இலவசக் கல்வி உரிமைச் சட்டம் – 2009 கல்வி உரிமையை நிலைநாட்டுகிறதா? – வே. வசந்தி தேவி

திவ்யா, B.Com ஒரு பச்சைப் படுகொலை!

ஏழைகள் படிக்கக் கூடாது! சரி கொன்றுவிடலாமா? 

அமைச்சரா, ரவுடியா? ஜகத்ரட்சகனின் பாரத் பல்கலை மாணவர் போராட்டம்!

பெட்ரோல் விலையினை தொடர்ந்து ஏத்துவோம் – கூட்டணிக்காரனிடம் கூட கேட்க மாட்டோம்! – கல்லூளிமங்கன் அதிரடி!

தான் ஒரு அமெரிக்காவின் அடிமைநாய் தான் என்பதை இதைவிட வெளிப்படையாக சொல்லமுடியாது.

இன்னொரு அடிமையின் கர்ஜனை இதோ:

தொடர்புடைய பதிவுகள்:

பெட்ரோல் விலையினை உயர்த்தி கொண்டே போவோம், உன்னால் ஆனதை பார்!- மன்மோகன் & கெள்சிங் பாசு சவால்!

பெட்ரோலியத் துறை : பொன் முட்டையிடும் வாத்து!

கூடங்குளத்தில் போராடும் மக்களுக்கு 200 கோடியில் ஏமாற்று திட்டம் – கோமாளி கலாம்

போராடும் மக்களுடைய நியாயமான கேள்விகளுக்கு பதில் சொல்ல வக்கற்ற கோமாளி அப்துல் கலாம்,

போராடும் மக்களுக்கு 200 கோடியில் வசதி செய்து கொடுங்கள் என்கிறார். இத்தனை கிலோ மீட்டருக்குள் அணு உலை வைத்தது என்டா என்றால் கலாம் இத்தனை கிலோ மீட்டருக்குள் இருக்கிறவர்களுக்கு வேலை கொடு என்கிறார்.  அமெரிக்கா அடிமையான இந்தியாவின் ஆளும் வர்க்க ஊதுகுழலாக மாறி நிற்கும் கலாமை பற்றி ஏற்கனவே எழுதிய பதிவை மீள் பிரசுரம் செய்கிறோம்.

அப்துல்கலாம்: பயந்தால் கோமாளியாக தொடர முடியாது!

பல அணுசக்தி தலைவர்களே நமது நாட்டின் சுயசார்பை இழக்க வேண்டிவரும், உலகில் தோரியம் அதிகம் கிடைக்கும் இரண்டாவது நாடான இந்தியா அதிலிருந்து மின்சாரம் தயார் செய்வதில் பல்வேறு முன்னேற்றங்களை சாதித்து வருவதை நிறுத்த வேண்டி வரும் என அமெரிக்காவுடனான 123 ஒப்பந்தத்தை எதிர்த்தனர். ஆனால் அமெரிக்காவுடன் அணுசக்தி ஒப்பந்தம் என்ற அடிமைசாசனத்தை நிறைவேற்ற வேண்டும், அது நாட்டு நல்லது என தொடர்ந்து அதை ஆதரித்த தொடர்ந்து பேசியவர் அப்துல்கலாம் . அதனால் மத்திய அரசு கவிழ்ந்து விடும் நிலை ஏற்பட்ட போது அமர்சிங்-யை சந்தித்து அணுசக்தி அவசியம் (அரசை காப்பாற்ற அமெரிக்காவால் கையூட்டு கொடுக்கப்பட்டது – விக்கிலீக்ஸ்) குறித்து பேசி ச்மாஜ்வாதி ஆதரவை பெற்று தந்தார்.

இவ்வாறு தான் விஞ்ஞானி அல்ல, கோமாளி (+புரோக்கர்) தான் என்பதை அப்போதே நாட்டுக்கு அறிவித்தவர். இவர் வந்து, கூடங்குளம் அணு உலையினை ஆய்வு செய்து பாதுகாப்பை என்னவென்று உறுதி செய்வார் என்பதை ஆளும் வர்க்கத்தை மட்டுமல்ல,அனைவரும் அறிந்து கொள்ளக்கூடிய ஒன்றே.

ஏற்கனவே ஆங்கில நாளிதழ்களில் கூடங்குளம் அணு உலையினை ஆதரித்து வேறு எழுதிவிட்டதால் போராட்ட குழுவினரும் அவரை சந்திக்க விரும்பவில்லை. அதை விட கூடங்குளம் வந்த கோமாளி கலாமும் போராட்டக்காரர்களை சந்தித்தால் அவர்கள் கேட்கும் நியாயமான கேள்விகளுக்கு பதில் சொல்ல முடியாது என்பதால் இடிந்தகரை செல்லாமல், அணு உலை ஆதரவாளர்களை மட்டும் சந்தித்து விட்டு , பாதுகாப்பு பிரமாதம் என எழுதிவைத்த அறிக்கையினை வாசித்துவிட்டு கிளம்பினார்.

அந்த அறிக்கையுடன் போராடும் மக்களை பார்த்து,

பயந்தால் வரலாறு படைக்க முடியாது, கல்லணை பார், தஞ்சை கோவிலை பார் என கேவளப்படுத்தும் விதமாக உலறிவிட்டு போயுள்ளார் இந்த கோமாளி.

ஐயா கலாம அவர்களே!

கண்டிப்பாக உங்களால் மட்டும் தான் இப்படிப்பட்ட கோமாளித்தனங்களை செய்ய முடியும். எதிர்க்கவர்களின் கேள்வியை மடைமாற்றி திசை திருப்பும் சகுணி வேலையை தான் சொல்கிறோம்.  கூடங்குளம் அணு உலையின் பாதுகாப்பு குறித்து ரஷிய நிறுவனங்கள் சமர்பித்த அறிக்கையில்;

1) குறிப்பாக நில நடுக்கம் போன்ற இயற்கை சீற்றங்களை கணக்கில் கொள்ளாமல் அணு உலை கட்டப்பட்டு உள்ளது

2) 1.6 கிமீ க்குள் மக்கள் யாரும் வசிக்க கூடாது என்ற விதியினை பின்பற்றவில்லை, 1 கிமீ க்குள் மக்கள் வசித்து வருகின்றனர்.

இது மாதிரி பல குறைபாடுகளுடன் கட்டப்பட்டு வரும் அணு உலை மூடவேண்டும் என்பதே சரி. ஆனால் இப்படி நியாயமான கேள்விகள், அறிக்கைகளுக்கு பதில் சொல்லாமல் ஆதரவாளர்களை சந்தித்துவிட்டு வெற்று அறிக்கையினை வாசிக்க, கண்டிப்பாக அப்துல் கலாம் ஆகிய உங்களால் தான் முடியும். எவ்வளவு தான் அம்பலப்பட்டு போனாலும் கோமாளியாக தொடர்ந்து ஆட்டத்தை உங்களால் தான் ஆட முடியும்.

தொடர்புடைய பதிவுகள்:

கூடங்குளம் மக்கள் போராட்டம்: அணு மின்நிலையத்தை மூடு!

பெட்ரோல் விலையினை உயர்த்தி கொண்டே போவோம், உன்னால் ஆனதை பார்!- மன்மோகன் & கெள்சிங் பாசு சவால்!

 
 
 
 
 
 
 
 
 
 
 
  
********************
 
விலைவாசி விண்ணை எட்டிக் கொண்டு இருக்கும் போது துளி கூட அது குறித்து வருத்தம் இல்லாமல் பெட்ரோல் விலையேற்றம் சரி என்றும், விலையை உயர்த்தினால் தான் மக்கள் வீணாக்கமாட்டார்கள் என்றும் கூறுகின்றனர்  பிரதமரும், கெளசிங் பாசும். பிரணாப் முகர்ஜீயோ பெட்ரோலிய நிறுவனங்களுக்கும் அரசுக்கு சம்பந்தம் இல்லை என்கிறார்.

முதலாளிகள் நலன்களுக்கானது தான் இந்த அரசு என்பதை தான் மீண்டும் மீண்டும் கூற வருகின்றனர். இதனை நாம் உணர்ந்து கொள்வது எப்போது?                                                                                                                                                                                            

தொடர்புடைய பதிவுகள்:

பெட்ரோலியத் துறை : பொன் முட்டையிடும் வாத்து!


பெட்ரோலியத் துறை : பொன் முட்டையிடும் வாத்து!

இந்த விலையேற்றம் குறித்து காங்கிரஸ் கட்சியின் கோரிக்கை, ‘விலையினை குறைக்கும் வழியினை மத்திய அரசு ஆராய வேண்டும்.மாநில அரசுகள் வரியினை குறைக்க வேண்டும்’. கூட்டணி கட்சியான திரிணாமுல் காங்கிரஸ் அதிருப்தி தெரிவிக்கிறது. திமுக கட்சி எப்பவும் போல எனக்கும் அதுக்கும் எந்த சம்பந்தமும் இல்லை என மெளனம் சாதிக்கிறது. ஓட்டுப்பொறுக்கி அரசியலில் கட்சிகளின் யோக்கியதை இதுதான்.

இதனிடையே ‘பெட்ரோலிய எண்ணெய் நிறுவனங்களுக்கு நஷ்டம்’ என்று மோசடியினை கூறி கொண்டே விலையினை உயர்த்திக் கொண்டே போகின்றனர். ஆனால் அது உண்மையல்ல. மத்திய, மாநில அரசுகளுக்கு மிகப்பெரிய வருமானம் தரும் துறைதான், பெட்ரோலிய துறை. இது குறித்த புதிய ஜனநாயகம் பத்திரிக்கையில் வந்த கட்டுரை மீள்பிரசுரம் செய்கிறோம்.

********************

பெட்ரோலியத் துறை : பொன் முட்டையிடும் வாத்து

இந்தியாவில் பெட்ரோல் – டீசல் மீது விதிக்கப்படும் அபரிதமான வரிகள்தான், அவற்றின் விலை உயர்வுக்கு முக்கிய காரணம்.

பல மாதங்களாக எதிர்பார்க்கப்பட்ட பெட்ரோலியப் பொருட்களின் விலை உயர்வு, பொது பட்ஜெட் தாக்கல் செய்யப்படுவதற்கு முன்னதாக மக்களின் தலையில் இடியாக இறங்கியிருக்கிறது. எனினும், மண்ணெண்ணெய் மற்றும் சமையல் எரிவாயுவின் விலைகளை

உயர்த்தாமல், பெட்ரோல் விலையில் இரண்டு ரூபாயும்; டீசலின் விலையில் ஒரு ரூபாயும் மட்டும் உயர்த்தப்பட்டிருப்பதைக் காட்டி, தன்னை மக்களின் வேதனையை அறிந்தவனாகக் காட்டிக் கொள்கிறது, காங்.கூட்டணி ஆட்சி.

இவ்விலை உயர்வின் மூலம் கிடைக்கும் இலாபம் ஒருபுறமிருக்க, பெட்ரோல்டீசல் விற்பனையின் மூலம் மைய/மாநில அரசுகளுக்குக் கிடைத்துவரும் வரி வருமானம், 6,500 கோடி ரூபாய் அதிகரிக்கும் என எதிர்பார்க்கப்படுகிறது. இக்கட்டண உயர்வின் மூலம், பட்ஜெட்டிற்கு முன்பாகவே மக்களிடம் ஒரு வரிக் கொள்ளையை நடத்திவிட்டது, மன்மோகன் சிங் கும்பல்.

எப்பொழுதெல்லாம் பெட்ரோலியப் பொருட்களின் விலை உயர்த்தப்படுகிறதோ, அப்பொழுதெல்லாம் அதனை நியாயப்படுத்த, ஒரு “”ரெடிமேட்” காரணத்தைக் கூறி வருகிறது, மைய அரசு. “”சர்வதேச சந்தை விலையை ஒப்பிடும்பொழுது, இந்தியாவில் பெட்ரோலியப் பொருட்கள் விலை மலிவாக விற்கப்படுவதாகவும்; அதனால் அரசு நிறுவனங்களுக்கு ஏகப்பட்ட நட்டம் ஏற்படுவதாகவும் (தற்போதைய நட்டக் கணக்கு ரூ. 70,000 கோடி); அந்த நட்டத்தை இனியும் தாங்க முடியாது என்ற நிலையில்தான் பெட்ரோலியப் பொருட்களின் விலைகள் மிதமாக ஏற்றப்படுவதாகவும்” மைய அரசும், அதன் எடுபிடிகளும் நியாயப்படுத்தி வருகின்றனர். ஆனால், பெட்ரோலியப் பொருட்களுக்கு விலை நிர்ணயம் செய்வது குறித்து, நாடாளுமன்ற நிலைக் குழு அரசுக்கு அளித்துள்ள அறிக்கையைப் படித்தால், அரசு கூறிவரும் நட்டக் கணக்கு, நியாயவாதங்கள் அனைத்தும் மிகப் பெரிய பித்தலாட்டம் என்பதைப் புரிந்து கொள்ள முடியும்.

பெட்ரோல், டீசல் போன்ற பெட்ரோலியப் பொருட்களை உற்பத்தி செய்யப் பயன்படும் மூலப் பொருளான கச்சா எண்ணெய் (ஞிணூதஞீஞு ணிடிடூ) நமது நாட்டில் தேவையான அளவிற்குக் கிடைப்பதில்லை என்றாலும் கூட, இந்தியாவின் (பெட்ரோலிய) தேவையில் ஏறத்தாழ 30 சதவீதத்தை உள்நாட்டில் கிடைக்கும் கச்சா எண்ணெய்தான் பூர்த்தி செய்கிறது. வியாபாரம் என்று பார்த்தால்கூட, உள்நாட்டில் எடுக்கப்படும் கச்சா எண்ணெயை, இறக்குமதி செய்யப்படும் கச்சா எண்ணெய்க்கு ஈடாக விற்பனை செய்வதை எந்த வகையிலும் நியாயப்படுத்த முடியாது. ஆனால், மைய அரசோ, இறக்குமதி செய்யப்படும் கச்சா எண்ணெய் மீது என்னென்ன உற்பத்திச் செலவீனங்கள் ஏற்றப்படுமோ, அவை அனைத்தையும் உள்நாட்டில் உற்பத்தியாகும் கச்சா எண்ணெய் மீதும் ஏற்றி வைத்து விற்பனை செய்து வருகிறது. உள்நாட்டுத் தயாரிப்புகளை, ஃபாரின் சரக்குகளைப் போல விற்கும் மோசடி வியாபாரத்தை, மைய அரசு சட்டபூர்வமாகவே நடத்தி வருகிறது.

இயற்கை எரிவாயு மற்றும் பெட்ரோலியப் பொருட்கள் தொடர்பாக நியமிக்கப்பட்டுள்ள நாடாளுமன்ற நிலைக்குழு, பெட்ரோலியப் பொருட்களுக்கு விலை நிர்ணயம் செய்வது குறித்து அரசுக்கு ஆக. 2005இல் அளித்துள்ள அறிக்கையில், “”இறக்குமதி செய்யப்படும் கச்சா எண்ணெய் மீது விதிக்கப்படும் கடற்பயணச் சரக்குக் கட்டணம், துறைமுகக் கட்டணம், சுங்கவரி போன்ற செலவீனங்களை உள்நாட்டு கச்சா எண்ணெய் மீது விதித்து விலை நிர்ணயம் செய்யக் கூடாது” என அரசுக்குப் பரிந்துரை செய்தது.

இப்பரிந்துரையை ஒதுக்கித் தள்ள வேண்டும் என்ற நோக்கத்தோடு, “”உள்நாட்டு கச்சா எண்ணெய் மீது விதிக்கப்படும் வரிகள் மற்றும் அதன் விலையை நிர்ணயம் செய்வது தொடர்பாக அரசுக்கு ஆலோசனை சொல்ல ரங்கராஜன் கமிட்டியை அமைத்திருப்பதாக”க் கூறி, நாடாளுமன்ற நிலைக்குழுவின் பரிந்துரை அறிக்கையைக் கரையானுக்கு இரையாக்கியது, மைய அரசு.

ரங்கராஜன் கமிட்டியால் அரசுக்கு அளிக்கப்பட்ட பரிந்துரையில், உள்நாட்டு கச்சா எண்ணெய்க்கு விலை நிர்ணயிப்பது தொடர்பாக எவ்வித ஆலோசனையும் வழங்கப்படவில்லை என்பதைக் “”கண்டுபிடித்த” நாடாளுமன்ற நிலைக்குழு, “”மைய அரசு, நிலைக்குழுவிடம் பொய் சொல்லியதாக”க் குற்றஞ்சுமத்தியது. மேலும், ஜூன் 2006இல் அன்று அரசுக்கு அளித்த மற்றொரு அறிக்கையில், “”உள்நாட்டு கச்சா எண்ணெய்க்கு விலை நிர்ணயிப்பது தொடர்பாக ஏற்கெனவே அளிக்கப்பட்ட பரிந்துரைகளை அமல்படுத்துமாறு” மீண்டும் வலியுறுத்தியது, நாடாளுமன்ற நிலைக்குழு. நாடாளுமன்ற நிலைக்குழுவை நாடாளுமன்றத்திற்கு இணையாக மதிக்க வேண்டும் எனக் கூறப்பட்டாலும், அது அளித்த பரிந்துரைகளோ, பைசா காசுக்கும் பயன் இல்லாமல், செவிடன் காதில் ஊதிய சங்காக முடிந்து போனது.

கச்சா எண்ணெயின் அடக்க விலையை நிர்ணயிப்பதில் நடந்து வரும் இப்பகற் கொள்ளை ஒருபுறமிருக்க, கச்சா எண்ணெயில் இருந்து தயாரிக்கப்படும் பெட்ரோலியப் பொருட்கள் மீது விதிக்கப்படும் வரி என்பது, மைய/மாநில அரசுகளின் கஜானாவை நிரப்பும் அமுதசுரபியாக இருந்து வருகிறது.

சென்னையில் ஒரு லிட்டர் பெட்ரோலின் சில்லறை விற்பனை விலை ரூ. 41.25. இதில் ரூ. 23.97ஐ, வரியாக, மைய/மாநில அரசுகள் பறித்துக் கொள்கின்றன. இதனைக் கழித்துவிட்டுப் பார்த்தால், 1 லிட்டர் பெட்ரோலின் சில்லறை விற்பனை விலை ரூ. 17.28 தான்.

பெட்ரோலியப் பொருட்களின் மீது விதிக்கப்படும் வரிகள் சிறீலங்காவில் 37%, தாய்லாந்தில் 24%, பாகிஸ்தானில் 30%, மற்ற பல நாடுகளில் 20 சதவீதமாகவும் இருக்கும்பொழுது இந்தியாவில், பெட்ரோலியப் பொருட்கள் மீது மாநில அரசுகள் விதிக்கும் விற்பனை வரி மட்டும் 18.9 சதவீதத்தில் இருந்து 34 சதவீதம் வரை எகிறிப் பாய்கிறது. இவ்விற்பனை வரி தவிர்த்து, சுங்கவரி, கலால்வரி, நுழைவுவரி, கல்விவரி, எண்ணெய் நிறுவனங்களின் வளர்ச்சி வரி என அடுக்கடுக்காக பெட்ரோலியப் பொருட்கள் மீது பல்வேறு வரிகள் விதிக்கப்படுகின்றன. ஒட்டு மொத்தமாக, ஒரு லிட்டர் பெட்ரோலின் சில்லறை விற்பனை விலையில் 57 சதவீதமும்; ஒரு லிட்டர் டீசலின் சில்லறை விற்பனை விலையில் 35 சதவீதமும் பல்வேறு வரிகளாக மக்களிடமிருந்து பிடுங்கப்படுகின்றன.

பெட்ரோலியத்துறை அமைச்சகம் நாடாளுமன்ற நிலைக் குழுவுக்குக் கொடுத்துள்ள அறிக்கையின்படி, 200405ஆம் ஆண்டில் பெட்ரோலியப் பொருட்களின் விற்பனை மூலம் மைய அரசுக்குக் கிடைத்த வரி வருமானம் 77,692 கோடி ரூபாய்; மாநில அரசுகளுக்குக் கிடைத்த வரி வருமானம் 43,254 கோடி ரூபாய். அந்த ஆண்டு, மைய அரசிற்கு சுங்கவரி மூலம் கிடைத்த வருமானத்தில் (54,738 கோடி ரூபாய்), 35 சதவீதப் பங்கு பெட்ரோலியப் பொருட்களின் விற்பனை மூலம் மட்டுமே கிடைத்திருக்கிறது.

பெட்ரோலியப் பொருட்களின் விலைகள் உயர்த்தப்படும் ஒவ்வொரு முறையும், அவ்விலை உயர்வுக்கு நேர் விகிதத்தில் அரசின் வரி வருமானமும் அதிகரித்து வந்திருக்கிறது. 200506 ஆம் ஆண்டுக்கான பட்ஜெட்டில், 53,182 கோடி ரூபாய் சுங்க வரியாக வசூலிக்க வேண்டும் என நிர்ணயிக்கப்பட்டிருந்தது. இந்த இலக்கு பின்னர் 64,215 கோடி ரூபாயாகத் திருத்தப்பட்டது. அந்த பட்ஜெட் ஆண்டின் இறுதியில் சுங்க வரி வருமானம் 65,050 கோடி ரூபாயாக அதிகரித்தது. பட்ஜெட்டில் போட்டதைவிட 22.32 சதவீதம் அதிகமாக சுங்கவரி வசூலானதற்கு, பெட்ரோலியப் பொருட்களின் விலை உயர்வும் காரணமாக அமைந்தது என மைய அரசின் தணிக்கை அறிக்கை குறிப்பிடுகிறது.

பெட்ரோலியப் பொருட்களின் விலை உயர்வால் பணவீக்கம் ஏற்பட்டு, ஒட்டு மொத்த பொருளாதார வளர்ச்சிக்கும் வேட்டு வைத்துவிடும் என்பதால், முதலாளித்துவப் பொருளாதார நிபுணர்கள்கூட, பெட்ரோலியப் பொருட்களின் மீது விதிக்கப்படும் வரிகளைக் குறைக்குமாறு அரசிடம் கூறி வருகிறார்கள். ஆனால் மைய அரசோ, இந்த வரிக் கொள்ளையை விரிவாக்குவதில்தான் குறியாக இருந்து வருகிறது.

எங்கும் இல்லாத அதிசயமாக, எண்ணெய் நிறுவனங்களின் வளர்ச்சி வரி என்ற பெயரில் புதுவிதமான வரியொன்றை உள்நாட்டு கச்சா எண்ணெய் மீது விதித்து, அதன்மூலம் ஆண்டுக்கு 5,000 கோடி ரூபாய் வசூலித்து வருகிறது, மைய அரசு. 1974ஆம் ஆண்டு தொடங்கி விதிக்கப்பட்டு வரும் இவ்வரியின் மூலம், இதுநாள்வரை ஏறத்தாழ 64,000 கோடி ரூபாய் மைய அரசிற்கு வருமானம் கிடைத்திருந்தாலும், எண்ணெய் நிறுவனங்களின் வளர்ச்சிக்காக இவ்வரி வருமானத்தில் இருந்து செலவழிக்கப்பட்டுள்ள தொகை 902 கோடி ரூபாய் தான். மீதிப் பணம் முழுவதையும் மைய அரசு ஊதாரித்தனமாகச் செலவழித்திருப்பதாக நாடாளுமன்ற நிலைக்குழு குற்றஞ்சுமத்தியுள்ளது.

கடந்த சில ஆண்டுகளாக பெட்ரோலியப் பொருட்களின் மீது கல்வி வரியைக் விதித்து வருகிறது மைய அரசு; வளர்ச்சி வரியைச் சுருட்டிக் கொண்டு, எண்ணெய் நிறுவனங்களையே அம்போ எனக் கைவிட்டுவிட்ட மைய அரசு, கல்வி வரியில் மட்டும் கை வைக்காமல் விட்டிருக்குமா?

சர்வதேசச் சந்தையில் கச்சா எண்ணெயின் விலை தாறுமாறாக உயரும் பொழுது, அதனின் பாதிப்பில் இருந்து உள்நாட்டு நுகர்வோரைக் காப்பாற்ற 15,000 கோடி ரூபாய் பெறுமான அவசர கால நிதியொன்றை மைய அரசு தனது கட்டுப்பாட்டில் வைத்திருந்தது. அரசுக்குப் பதிலாக, பெட்ரோலியப் பொருட்களின் விலையை சந்தை தீர்மானிக்கும்படியான சீர்திருத்தம் இத்துறையில் புகுத்தப்பட்டபொழுது, அந்த 15,000 கோடி ரூபாயையும் மைய அரசே சுருட்டிக் கொண்டது.

இந்தியாவில் உள்ள 18 கச்சா எண்ணெய் சுத்திகரிப்பு ஆலைகளில் 17 அரசு வசமும், ஒரு ஆலை தரகு முதலாளி அம்பானி வசமும் உள்ளன. இந்தியாவின் ஒட்டு மொத்த எண்ணெய் சுத்திகரிப்புத் திறனில் 74 சதவீதம் அரசு நிறுவனங்களிடமும், 26 சதவீதம் அம்பானியிடம் இருக்கிறது. எனினும், இந்தியாவில் இருந்து பெட்ரோலியப் பொருட்களை ஏற்றுமதி செய்யும் வர்த்தகத்தில் அம்பானி நிறுவனம்தான் (59 சதவீத ஏற்றுமதி) முன்னணியில் இருக்கிறது. அரசாங்கம் அம்பானியிடம் கொண்டுள்ள வர்க்கப் பாசம்தான் இதற்குக் காரணம். பெட்ரோலியப் பொருட்களை ஏற்றுமதி செய்வதற்கு, அரசு சுங்க வரிச் சலுகைகளை அளித்திருக்கிறது. இந்தச் சலுகைகளை அம்பானியே ஏகபோகமாக அனுபவிக்க வேண்டும் என்பதற்காகவே, ஏற்றுமதி வர்த்தகத்தில் அரசு எண்ணெய் நிறுவனங்கள் அடக்கி வாசிக்கின்றன.

இதனை ஆராய்ந்த நாடாளுமன்ற நிலைக்குழு, “”சர்வதேசச் சந்தையில் பெட்ரோலியப் பொருட்களுக்கு நல்ல விலை கிடைப்பதால், விற்பனையின் மூலம் கிடைக்கும் இலாபமே போதுமானது; ஏற்றுமதியை ஊக்குவிக்கத் தனியாக வரிச் சலுகைகளை அளிக்க வேண்டியதில்லை. இந்த வரிச் சலுகைகளை நீக்குவதால் கிடைக்கும் வருமானத்தை, உள்நாட்டு மக்கள் பலன் அடையும்படி, பெட்ரோலியப் பொருட்களின் விலையைக் குறைக்கப் பயன்படுத்தலாம்” எனப் பரிந்துரைத்தது.

இந்த ஆலோசனையைக் கேட்டு, அம்பானி அலறுவதற்கு முன்பாகவே, அரசாங்கம் அலறியது. “”இந்தியாவில் தயாரிக்கப்படும் பெட்ரோலியப் பொருட்கள் சர்வதேசச் சந்தையில் நிலவும் போட்டியைச் சமாளிக்கும் வண்ணம் விலை மலிவாகக் கிடைக்க வேண்டும் என்பதற்காகவே சுங்கவரிச் சலுகைகளை அளித்து வருகிறோம். எனவே, இச்சலுகைகளைத் திரும்பப் பெற முடியாது” எனக் கூறி, அம்பானியின் வயிற்றில் பாலை வார்த்தது.

அரசாங்கத்தின் கொள்கை எப்படி ஏறுக்கு மாறாக இருக்கிறதென்று பாருங்கள். பெட்ரோலும், டீசலும், மண்ணெண்ணெயும், சமையல் எரிவாயுவும் உள்நாட்டு மக்களுக்கு விலை மலிவாகக் கிடைக்க வேண்டும் என்பது பற்றி அக்கறை கொள்ளாத அரசாங்கம், இந்தியப் பெட்ரோலியப் பொருட்கள் சர்வதேசச் சந்தையில் விலை மலிவாகக் கிடைக்க வேண்டும் எனக் கவலைப்படுகிறுது. மண்ணெண்ணெய்க்கும், சமையல் எரிவாயுவுக்கும் தரப்படும் “மானியத்தை’ நிறுத்த வேண்டும் எனத் திருவாய் மலரும் மன்மோகன் சிங், அம்பானி அனுபவித்து வரும் ஏற்றுமதி வரிச் சலுகைகளை நிறுத்த மறுக்கிறார்.

200405 ஆம் ஆண்டில் பெட்ரோலியப் பொருட்களின் விற்பனை மூலம் அரசுக்குக் கிடைத்த மொத்த வரி வருமானம் 1,20,946 கோடி ரூபாய் என்று ஏற்கெனவே பார்த்தோம். இவ்வரி வருமானம் போக, அரசு எண்ணெய் நிறுவனங்கள் ஒவ்வொரு ஆண்டும் பல்லாயிரம் கோடி ரூபாயை இலாப ஈவாக மைய அரசிற்கு அளித்து வருகின்றன. சர்வதேசச் சந்தையில் கச்சா எண்ணெயின் விலை குறைந்த பொழுது, அதற்கேற்ப உள்நாட்டில் விலை குறைப்பு செய்யாமல் அடித்த கொள்ளை தனிக்கதை. இப்படியாக பெட்ரோலியத் துறை பொன் முட்டையிடும் வாத்தாக இருக்கும் அதேசமயம், சமையல் எரிவாயுவுக்கும், மண்ணெண்ணெய்க்கும் 200506ஆம் ஆண்டில் அரசு கொடுத்த “மானியமோ’ வெறும் 2,535 கோடி ரூபாய்தான். (ஆதாரம்: தினமணி, 13.1.08)

பொது மக்களிடமிருந்து ஒவ்வொரு ஆண்டும் ஒரு இலட்சம் கோடி ரூபாய்க்கு மேல் வரியாகப் பறித்துக் கொண்டுவிட்டு, 2,500 கோடி ரூபாயைத் திருப்பித் தருவதை மானியம் என்று எப்படிச் சொல்ல முடியும்? இந்த 2,500 கோடி ரூபாய் திருப்பித் தரப்படுவதைக் கூட நிறுத்திவிட வேண்டும் எனக் கூறிவரும் மன்மோகன் சிங்கின் மேதமைக்கும், ஒரு வழிப்பறித் திருடனின் இரக்கமின்மைக்கும் இடையே என்ன வேறுபாடு இருந்து விட முடியும்?

சர்வதேசச் சந்தையில் கச்சா எண்ணெயின் விலை உயர்ந்து கொண்டே போவதற்கு அமெரிக்கா, ஈராக்கில் நடத்திவரும் ஆக்கிரமிப்புப் போர், அமெரிக்கப் பொருளாதாரமும், அமெரிக்க டாலரும் நசிவடைந்திருப்பது உள்ளிட்டுப் பல்வேறு திரைமறைவுக் காரணங்கள் உள்ளன. இவற்றைக் கண்டித்து அம்பலப்படுத்த முன்வராத மன்மோகன் சிங், பெட்ரோல் டீசலின் விலையை உயர்த்தி, மக்களின் இரத்தத்தைக் குடிக்கிறார். இப்படிப்பட்டவரை பொருளாதாரப் புலி என அழைப்பதைவிட, ஆட்கொல்லிப் புலி என அழைப்பதுதான் பொருத்தமாக இருக்கும்.

நன்றி: புதிய ஜனநாயகம்