• தொடர்புக்கு:

    புரட்சிகர மாணவர் இளைஞர் முன்னணி, தமிழ்நாடு. _______ எண்:41,பிள்ளையார் கோயில் தெரு, மதுரவாயல், சென்னை-95. _____ அலைபேசி: (91)9445112675
  • மின்னஞ்சல்:

    rsyfchennai@gmail.com
  • வருகைப் பதிவேடு

    • 210,149 பார்வைகள்
  • தொகுப்புகள்

  • அண்மைய இடுகைகள்

  • பக்கங்கள்

  • கருப்பொருள்

“நம்முடைய விழாக்கள்”

ஏகாதிபத்தியங்களுக்கு
பிரம்மாஸ்திரமாய்
விளங்கும் இயேசுவின்
கிறிஸ்துமசா
நமக்கான விழா?
இல்லை
ஏகாதிபத்தியம் விழுந்தே
தீரும்
அதன் சிதிலங்களில் கம்யூனிசம்
மிளிர்ந்து எழும்
அதற்கான பாட்டாளிகளின்
ஆயுதமே மார்க்ஸியம்
என்று சூளுரைத்த
மாமேதை மார்க்சின்
பிறந்தநாளே நம்முடைய விழா..!

பெற்ற தகப்பனை
கணவனாய் கொண்டு
படுக்கையை பகிர்ந்து
கொண்ட சரஸ்வதியை
கல்வி கடவுளாய்
உயர்த்தும் சரஸ்வதி
பூஜையா நமக்கான விழா?
இல்லை
அறிவு கூர்மையிலும்
பண்பின் கருணையிலும்
தன் வாழ்நாள் தியாகத்தாலும்
படிப்பவர் மனதில்
தாய்மையின் பாடங்களாய்
பதிந்துபோகும்
ஜென்னிமார்க்சின் பிறந்தநாளே
நம்முடைய விழா..!

காட்டை கழனியாக்கி
வியர்வை துளிகளை
நெற்கதிர்களாக்கி
உலகின் பசியாற்றிய
உழுபவனை,
எருதுகளோடு எருதுகளாய்
ஏர்முனையில் பூட்டி
ஏழ்மையிலும், துயரத்தாலும்
அவனை வாட்டி
அவன் ஈட்டிய அனைத்தையும்
தனதாக்கி கொண்ட
நிலப்பிரபுக்களின்
பொங்கல் விழாவா
நமக்கான விழா?
இல்லை
உழுபவனை அடித்து
தன் தொந்தியை பெருக்கிய
நிலப்பிரபுக்களை
ஈவிரக்கம் பாராமல்
அழித்தொழித்த
ரஷ்யாவின் நவம்பர் புரட்சியே
நம்முடைய விழா..!

ஆபாசத்திலும்
அழுக்கு உருண்டையிலும்
உயிர் பெற்றதாய் விளங்கும்
பானை வயிறு
பிள்ளையாரின் விநாயகர்
சதுர்த்தியா நமக்கான விழா?
இல்லை
மனிதநேயத்தாலும்
மேதாவிலாசத்தாலும்
நம் மனங்களை
கொள்ளை கொண்ட
மாமேதை
மாவோவின் பிறந்தநாளே
நம்முடைய விழா!

சி.பி.எம் என்னும்
பூணுலிஸ்ட்களுக்கு
அஹிம்சையை போதித்த
யானை காது காந்தியின்
காந்தி ஜெயந்தியா
நமக்கான விழா?
இல்லை
காந்தியின் துரோகமும்
வெள்ளையரின் கோபமும்
23 வயது இளைஞனின்
கழுத்தை
தூக்குகயிறால் முறிக்க,
உயிர் இழந்த அவ்விளைஞன்
தன் ஒப்பற்ற தியாகத்தால்
இந்திய வரலாற்றில்
பகத்சிங்காய் எழுந்து நின்றானே
அம்மாவிரனின்
பிறந்தநாளே
நம்முடைய விழா!

நயன்தாரா, நமீதாவின்
குலுக்கல் ஆட்டம்
பில்லாவை இரவு
முழுக்க கண்விழித்து
பார்க்கும்
சிவராத்தியா நமக்கான விழா?
இல்லை
பயங்கரவாத அமெரிக்காவின்
ஆக்கிரமிப்புக்கு பாடை
கட்டிய வியட்நாமிய
போராளிகளின்
போர்கால இரவுகளே
நம்முடைய விழா!

எம் பாட்டன் நரகாசூரனின்
வீரத்தை கண்டஞ்சி
நடுங்கிய
பார்ப்பன பரதேசிகள்
கோழைத்தனத்தால்
செடிமறைவில் நின்று
அம்மெய்தி வீழ்த்திய
தீபாவளி நாளா
நமக்கான விழா?
இல்லை
இரண்டாயிரமாண்டு
கால பார்ப்பன பண்பாட்டு
படையெடுப்பிற் கெதிராய்
அரைநூற்றாண்டு கால
சுயமரியாதை யுத்தம் நடத்திய
பெரியாரின் பிறந்தநாளே
நம்முடைய விழா..!

வெள்ளியில் வீழ்ந்து
ஞாயிரின் உயிர்
பெற்றதாய் பொய்யுரைக்கும்
இயேசுவின்
மூன்றாம் நாள்
உயிர்த்தெழுதலான புனித
வெள்ளியா நமக்கான விழா?
இல்லை
50 களில் சோவியத்திலும்,
70 ன் இறுதியில் சீனத்திலும்
துரோகத்தால்
வீழ்த்தப்பட்டு
இன்று இமயத்தின் சிகரத்தில்
கத்திமுனையில் கருக்கொண்டிருக்கும்
பாட்டாளி வர்க்க சர்வாதிகாரமே
அதன் பிறப்பே
நம்முடைய விழா..!

பசியால் வாரங்களை
கடந்து, பிரியாணியின்
ருசிய\யால் வயிறு முட்ட
உண்டு
மந்தநிலையில் மதிமயங்கி
கிடக்கும் ரம்சான் பண்டிகையா
நமக்கான விழா?
இல்லை
ஈராக் மண்ணை ஆக்ரமித்தற்க்காக
வெள்ளை மாளிகையின்
வெள்ளை பன்றியை
செருப்பால் அடித்து
அமெரிக்காவின் காலனி
ஆதிக்கத்திற்கு
தன் காலனியால்
பதிலடி தந்தானே
மாவீரன்
முண்டாசர் அல்ஜெய்தி
அவ்விரனின் தியாகம்
வெளிப்பட்ட நாளே
நம்முடைய விழா..!

புதிய ஜனநாயக புரட்சி
நடந்தேறி விடுமோ
யென்றஞ்சி
வெள்ளை ஏகாதிபத்தியம்
இந்திய நிலப்பிரபுத்துவத்துடன்
செய்து கொண்ட
துரோக ஒப்பந்தமான
ஆகஸ்ட் 15ன்
போலி சுதந்திரமா
நமக்கான விழா?
இல்லை
ஏகாதிபத்தியத்தையும்
அதன் அல்லக்கை
தரகு முதலாளியத்தையும் அதன்
கூட்டாளி நிலப்பிரபுத்துவத்தையும்
பூண்டோடு ஒழிக்கும்
புதிய ஜனநாயக புரட்சியின்
பிறப்பே
நம்முடைய விழா..!

– நக்சல்பாரியன்

ஓயாது, அது ஓயாது, பட்டினிப் போர் ஓயாது!

ஓயாது, அது ஓயாது, ஓயாது
பட்டினிப் போர் ஓயாது
கொள்ளையர் கூட்டத்தின் ஆட்சி முடியும் வரை
இந்த ஆயுதப் புரட்சி ஓயாது
அது ஓயாது

பாத்தி கட்டிய ஏர்
பாத்திகள் என்னுடையது என்கின்றது
நாற்றைக் நட்ட கைகள்
அவை எங்களுடையது என்கின்றன
கதிர்களை வெட்டும் அரிவாள்
விளைச்சல் தனது என்கின்றது
ஓயாது ஓயாது

கன்னானின் நெருப்பு கொழுந்து விட்டெரிகின்றது
குயவனின் அடுப்பு கனல்கின்றது
பறை தான தான தான என ஒலிக்கின்றது
ஓயாதது ஓயாது என அறிவிக்கின்றது

காலில் விழுந்தவர் எல்லாம்
கத்தியைத் தீட்டுகின்றார்கள்
நாங்கள் அடிமைகள் என்றவர்
கடப்பாரைகளை கூறாக்குகின்றார்கள்
குறுக்கே வரும் திருடர்களையும் கொள்ளையர்களையும்
வெட்டி வீழ்த்திக் குவிக்கப்படுவார்கள்.
சகோதரர்களே
அது ஓயாது

எறும்பு ஊர்வலம் போகின்றன
(அவற்றை தின்ற) பாம்புகள் நடுங்குகின்றன
ஆட்டுமந்தைக் கூட்டம் பாய
ஓநாய்கள் ஓடுகின்றன
மாடுகள் கூட்டம் கூடி வர
புலிகள் தப்பி ஓடுகின்றன
ஓயாது அது ஓயாது ஓயாது

தெலுங்கில் இயற்றியவர்:  கத்தார்
ஆங்கிலத்தில் மொழியாக்கியவர்: பார்ச வெங்கடேஸ்வர் ராவ் மற்றும் அந்தார தேவ் சென்
தமிழில்: கவிஞனல்லாத ச.சீ.இராஜ‌கோபாலன்

சென்னை மாவட்ட மாணவர் வரலாறு எமது தோழர்கள் பெயரின்றி எழுதிட இயலாது!

3ந்தேதி விடியற்காலை
நேரம். சென்னையை
முகாமிட்டிருந்த பேரிருள்
தன் இருப்பை அகற்றி
கொண்டு விரைவாய்
மறைந்தோடியது.

காலை கதிரவன் சிவந்து
உச்சியேறிய நேரம்.
கடற்பரப்பு “பேரலைகளால்
சலசலத்து கொண்டிருந்தன.

எதைப்பற்றியும் கவலை
படாத மக்கள் கூட்டம்
அவசர வேலைகளில்
தங்கள் அறிவை பறிகொடுத்து
கொண்டிருந்தன.

நாங்கள் ஓர் லட்சம்
உறுப்பினர். நாங்கள் 5
இலட்சம் உறுப்பினர்
நாக்ன்கள் 10 இலட்சம்
உறுப்பினர்.
நாங்கள் தான் நம்பர் ஒன்
இல்லை இல்லை நாங்கள்
தான் நம்பர் ஒன் என்று
குமுதம், குங்குமம், விகடன்
கதையாக,

ஆள் ஆளுக்கு அடித்து
கொள்ளும் ஓட்டு பொறுக்கிகளின்
மாணவர் அமைப்புகள்
வளர்ப்பு பிராணிகளாய்
போடும் எலும்பு துண்டுகளை
கவ்விக்கொண்டு வாய்மூடி
கிடக்க

ஈழத்தமிழன் கண்ணீரை
இதயத்தில் ஜீரணிக்காமல்
களத்தில் இறங்கி போராடி
கொண்டுருக்கும் பு.மா.இ.மு
மாணவர் அமைப்பு
சொரனையற்று கிடந்த
சென்னை மாநிலக் கல்லூரி
யின் நுழைவாயிலில்
5 தோழர்களை களத்தில்
இறக்கியது. அவ்விடம்
சுயமரியாதை காற்றால்
சூழந்து நின்றது.

எதையோ கற்க மாணவர்
கள் கல்லூரிக்குள் நுழைந்தது
கொண்டிருக்க.

ஈழத்தின் அழுகை ஓலத்தை
வழக்கறிஞர்களின் போர்
குணத்தை எமது தோழர்கள்
கருத்து குவியலாய் மாற்றி
அம்மாணவர்களின் கேளாத
செவிட்டு காதுகளில்
சத்தமாக துளைத்து
கொண்டிருந்தனர்.

மாணவர் பேரெழுச்சி
எழுந்துவிடுமோ, வங்க
கடல் வாய்பிளந்துவிடுமோ
அதில் தம் ஆட்சி மூழ்கி
விடுமோ என்றச்சி கிடக்கும்
பேடி கருணாநிதியின்
காவல்துறை கல் குடித்த
காளிகளாய் எமது
தோழர்களை சுற்றி
வளைத்தது.

சிவப்பு சூரியன்களை
பனித்துளிக்ள் படையெடுத்தைபோல.

உங்க அம்மாவிற்கு ஈழத்தானா
கணவன்? உங்கள் அக்கா
தங்கைகளை ஈழத்திற்கா
வருந்தாக்கினீர்? நீங்க ஈழத்தானுக்கா
பிறந்தீங்க? என்ற

ஆபாச வார்த்தைகள்
அம்புகளாய் பாய்ந்தன எமது
தோழர்கள் மீது

அது காவல்துறையின்
தன்னிச்சையான கருத்தல்ல.
ஈழத்தமிழன் நிலைகண்டு
கலங்காத கருணாநிதியின்
கழுத்தறுப்பு நிலைப்பாடு.

இன்ஸ்பெக்டர் கண்ணனின்
குரல்வளையாய் ஒலித்தது
காவல்துறையல்ல,
கருணாநிதி.

புரிந்து கொண்டு ஒவ்வொன்றாக
பிடிங்கி எறிந்தனர்
பு.மா.இ.மு வீரர்கள்.

வாங்கி கொண்டு திரும்பும்
பழக்கமல்ல எமக்கு
பதிலடியாய் ஒரே ஒர்
வார்த்தை.

அது அம்பு அல்ல, அவை
களை வாய்மூட வைத்த
அணுகுண்டு.

இதோ கீழே அவ்வார்த்தை.

எல்லாம் இருக்கட்டும்

ஈழத்தமிழன் கண்ணீரை
துடைக்க நீளும் கைகளை
உடைக்கும் நீங்கள் என்ன
சிங்களவனின் வித்துக்களா?

இவ்வார்த்தைகளை கேட்ட
அண்ணா சாலையோர
சிலைகள் ஓர் கனம்
அசைந்து எமது தோழர்களை
பார்த்தன.
காக்கி சட்டைக்குள் மறைந்து
கிடந்த ரவுடிகளின் வாய்
உடைக்கப்பட்டன.

மறுவார்த்தை பேச வழியின்றி
மவுனத்தை வாந்தி எடுத்தன.

பின் நாங்கள் குரைக்கும்
சாதியல்ல, கடிக்கும்
சாதி என்று முழங்கின.

அவைகள் கைகளால்
பேசன. கால்களால் ஏசின.
லத்தியகளால் அடித்தன.

நக்சல்பாரிகளை
மார்க்சிய எரிமலைகளை
காக்கி ஆடுகள்
முட்டிபார்த்தன.
துவண்டு போனதுதான்
மிச்சம். அவைகளின்
முயற்சி கொம்புகள்
உடைக்கப்பட்டன.

இதற்கிடையே
செய்தி பரவிய வேகத்தில்
செம்படை கூட்டம்
ஸ்டேஷன்களை நோக்கி
படையெடுக்க,
சமாதானம் பேசின
சதிகார மிருகங்கள்.

சமாதானத்துக்கு இடமில்லை
சந்திப்போம் நீதிமன்றத்திலே
என்று கூறி மீண்டும் ஒர்
முறை அவைகள் வாய்
உடைக்கப்பட்டன.

நெருப்புகள் பொட்டலம்
கட்டப்பட்டன. மின்னல்கள்
சிறைக்கு கொண்டு
செல்லப்பட்டன.

சூழ்நிலை கைதிகளின்
சுற்றாத பூமியாய்
கிடக்கும் புழல் சிறை
எமது அரசியல்
அணுகுமுறையால்
சிவந்தது.

வெளியில் எதை செய்ய
முயன்றார்களோ
அதனை எந்த எதிர்ப்பும்
இன்றி சிறையில் செய்தார்கள்
எமது தோழர்கள்.

அதற்காக வாய்ப்பை
ஏற்படுத்தி கொடுத்த காவல்
துறை நாய்களுக்கு
நன்றிகள் ஆயிரம்
சொல்வோம்.

வெளியிலும் எமது
அரசியல் சூறைக்காற்றாய்
வீசியது. அவ்வீச்சியில்
போலி ஜனநாயகம்
அம்பலப்பட்டு நிர்வாணமாய்
நின்றது.

ஆளும் அரசை சுவரொட்டிகள்
கண்ட இடங்களில் காறிதுப்பின.
தெருமுனை கூட்டங்கள்
சூடுகொலுத்தின.

தஞ்சை, திருச்சி எனறு
கானும் இடமெல்லாம்
காட்டாறுகள் கதிகலங்க
வைத்தன.

இனி அணைபோட
முடியாது என்பதை
அரசு உணர
மறுபுறம் வழக்கறிஞர்
ஆதரவு பெருக

ஜாமினில் விடுவிக்கப்பட்டனர்
செவ்வணக்கதுக்குக்குரிய பு.மா.இ.மு
வீரர்கள்.

தமிழகத்திற்கு தன்மானம்
ஊட்டிய பகத்சிங்கின்
பேரன்கள்

கருணாநிதியின் காட்டு
தர்பாரை கண்டு
கலங்காத எமது தியாகிகள்.

மாநில கல்லூரியில்
போர்முரசு கொட்டிய
எங்களின் பாதிகள்

சென்னை மாவட்ட
மாணவர் வரலாறு
எமது தோழர்கள்
பெயரின்றி எழுதிட இயலாது.

இது காலம் ஏற்றுக்
கொள்ளவேண்டிய சூழல்
போர்குணமிக்க எமது
தோழர்கள் பகத்சிங்கின் சாயல்.

தியாகத்திற்கு பஞ்சம் இல்லை
தமிழ்மண்ணில்
அதனை நேரிடையாக
கண்டோம் எமது கண்ணில்

நெஞ்சுரம் கொண்ட
கணேசனாக
சீற்றம் கொண்ட
சேகராக
ஆர்ப்பறித்த அருள்
மொழியாக
வீரம் செறிந்த
வினோத்குமாராக,
அச்சம் உடைந்த
முத்துக்குமாராக

நீண்டு நிற்கும் இந்த
நீள்வரிசை இதோடு
நிற்காது.

அது நீளும்…
ஈழத்தமிழன் கண்ணீர்
நிற்கும் வரை

இந்திய புரட்சி நடக்கும்
வரை
ஆளும் வர்க்கங்களை
அடக்கம் செய்யும்
வரை

சுரண்டலற்ற சமூகம்
படைக்கும் வரை

அதுவரை நிற்காது
நக்சல்பாரிகளின்
இயக்கம்

தமிழகமே விழித்தெழு
இன்னும் என்ன
தயக்கம்

மீண்டும் ஒர்முறை
ஈழத்தமிழன் கண்ணீர்
துடைக்க, தமிழக
தமிழனுக்கு
சொரனை கொடுக்க
சிறைசென்று வந்த
எமது தோழர்களுக்கு
சுயமரியாதை ஊட்டிய
தியாகிகளுக்கு
செவ்வணக்கம்
செவ்வணக்கம்.

-நக்சல்பாரியன்

– ஈழத்தமிழர்களுக்காக புமாஇமு  தொடர்ச்சியாக போராட்டங்கள் நடத்திய போது தோழர் நக்சல்பாரியன் எழுதிய கவிதை

எக்ஸ்கியூஸ் மீ ‍‍ – துரை.சண்முகம் கவிதை

எல்லா பொது இடங்களிலும்
எல்லா சந்தர்ப்பங்களிலும்
எதிலும் பட்டுக் கொள்ளாமல்
நழுவிச் செல்கிறது அந்தக் குரல்.

தனியே அழுது நிற்கும் குழந்தையிடம்
அக்கறையால் விசாரிக்கும் கூட்டத்தின் குறுக்கே,
என்னதென்று எவ்விதக் கேள்வியுமின்றி
‘எக்ஸ்கியூஸ் மீ! கொஞ்சம் வழி விடுறீங்களா?’
என்று தன்வழியே
விரைந்து செல்கிறது அந்தக் கால்கள்.

ஓடும் பேருந்தில் ஒருவருக்கொருவர்
கல்விக்கட்டணம் பற்றிக் காரசாரமாய் பேசிக்கொண்டிருக்க
காது கொடுக்க பிடிக்காதது போல‌
எக்ஸ்கியூஸ் மீ! கொஞ்சம் தள்ளிக்கிறீங்களா?
என எட்டிப்போய்
காதில் ஹெட்போனை மாட்டிக் கொண்டு
கடுப்பாய் பார்க்கிறது அந்தக் முகம்.

பெட்ரோல், டீசல்
விலை உயர்வுக்கெதிரான ஆர்ப்பாட்டத்தை
தன்னை மறந்து கவனிக்கும் மக்களிடம்
எக்ஸ்கியூஸ் மீ!  போங்க.. போங்க…! என்று
விடாமல் ஹாரனை அடித்து விரட்டுகிறது அந்த வாய்.

அலுவலகம் கூட்டும் பெண்ணிடம்
இதோ குப்பை… என்று கத்திதமாய்
தன் காலுக்கடியில் வேலை வாங்கிக் கொண்டு…
முடிவெட்டும் தொழிலாளியிடம்
முன்னும் பின்னும் கண்ணாடி பார்த்து
இம்மி பிசகாமல் வேலைத்தரத்தை உறுதி செய்து கொண்டு…

இப்படி.. சகலத்திலும்
சமூக உழைப்பை அனுபவித்து கொண்டே,
நாட்டில் எது நடந்தாலும்
நீ எதையாவது செஞ்சுக்க.. எனக்கு வழிய விடு…
என்று ஒதுங்கிச் செல்கிறது அந்த உருவம்.

தன்னலம் தவிர வேறு எந்தக் கருத்திலும்
பிடிபடாமல் நழுவிச்செல்லும்
இது எந்த வகை மிருகம்?
மிருகங்களின் நடத்தை
இவ்வளவு மோசமாய் இருப்பதில்லை… எனில!
இது வேறு என்ன?

‍‍ -துரை.சண்முகம்

நன்றி : புதிய கலாச்சாரம்  ஜூலை 2011

மழைக் காட்சி

rain-drop

கானகத்து மிச்சமாய்
கடந்த காலத்தின் எச்சமாய்
கல்லூரியின் கருத்த மூலையில்
கம்பீரமாக
நெருப்பின் மலர்களை வீசி
காற்றைக் கொளுத்தி
கதிரவனைக் கலங்கடிக்கும்
அந்த
மஞ்சள் கொன்றை,

இன்று மௌனமாக
தலை குனிந்து
தன் உடல் வழியே
வழிய விடுவதை
மழை நீர் என்கிறாய் நீ!

இல்லை நண்பா
இல்லை!

மண்ணைத் தொட்ட
நீரின் சிலுசிலுப்பில்
வேர் சிலிர்க்கும் முன்பே,

நீரூற்று பாறைகளின்
வேர்க்கால்களை துளைத்த
பெப்சியின் ஆழ்துளை பைப்புகள்,
வானத்தின் ஈரத்தை
களவாடும் ஈனத்தை
உணர்த்த – உனக்கு
கசிய விடுகிறது
தன் உயிரை
கிளை வழியே
இலை வழியே!

நன்றி: விடிவெள்ளி (http://vidivellee.wordpress.com/)

ரணமாகும் கணங்கள்…

கல்லூரிப் பாலைவனத்தில்
கற்பகத் தருக்களைத்
தேடியலையும்
கலாமின் கனவு வாரிசுகள்
நாங்கள்

எங்களின் புனித வரலாறு
வெளியாகும் போதெல்லாம்
“கூவம்” கூட
முகம் சுளிக்கும்

முடிந்தால்
மூக்கைப் பொத்தியவாறே
கேளுங்கள் நீங்களும்!

எங்களின்
அலாரச்சத்தத்தில்
எல்லோரும் எழுந்த பின்பே
எட்டுமணி சுமாருக்கு,
எட்டிப் பார்ப்போம்,
போர்வைக்குள்ளிருந்து!

மிருகங்களைக்
காரணம் காட்டி
மிச்சம் செய்வோம்,
பேஸ்ட்டையும் சோப்பையும்!

முகம் கழுவி,
தலை கலைத்து
அப்பாவிடம் திட்டுவாங்கி
புறப்படுவோம் கல்லூரிக்கு!

ஜீவ நதியில்
ஓடைகள் கலப்பது போல
வரும் வழியில்
தறுதலையில் ஒன்று சேரும்!

தடுமாறி வரும்
மாநகரப் பேருந்துகளில்,
தாண்டவமாடி
தாவணியிழுத்து
தந்திரமாய் பார்வைகள் வீசி
பார்வையாலே
செருப்படி வாங்கி
பத்திரமாய்
மனதில் சேகரிப்போம்!

முதல் நாளிலிருந்தே
பழகிவிட்டதால்
மூன்றாம் மணி நேரம்தான்
நுழைவோம் வகுப்பில்!

வந்த வேகத்தில்
வருகைப் பதிவு
நடத்திவிட்டு,
வெளிநடப்புகளும்
நிகழ்த்துவோம்!

மொட்டை மரத்தடியில்
வெட்டி அரட்டையில் தொடங்கி
வெட்டு குத்துகளில் முடியும்!
வார்த்தைகள் முற்றி
கைகள் அரிக்கும் போது
அங்கங்கே
அரிவாள்கள் முளைக்கும்!

மைதானங்கள்
போரக்களமாகும்
தருணங்களில்
ரணகளாகும்
எம் பெற்றோர் மனங்கள்!

அவ்வப்போது
பெருமையைக் கட்டிக்காக்க
கட்டாய ஸ்டிரைக்குகள்
அவசிய மாகும் போது!

காவலர்கள் நாய்களாவார்கள்
கையில் கல்லிருக்கும் வரை
நாங்கள் குரைப்போம்,
பதிலுக்குக் கடித்தால்
பதறி சிதறுவோம்!

உயிரையும் கொடுப்பதாய்க்
கூறிக்கொண்டே
ஒவ்வொருத்தியையும்
ஒரங்கட்டும்
எங்கள்
காதலின் புனிதத்தை
கடற்கரை மணலும்
கைப்பேசிகளும் அறியும்!

தேர்வுகள் எல்லாம்
தேள்களைப்போலவே தெரியும்!
அவற்றின் நஞ்சைவிடவும்
கொடியவை
“அரியர்கள்”

மூன்று வருட முடிவில்
எங்களின் கல்லூரி வாழ்வு
முடிவிற்கு வரும்போது
அரியர்கள்
மலைகளாய் மாறி
மலைக்க வைக்கும்!

கவலையில் மயங்கிக்
கண் விழிக்கும் போது
காலில் இடறும்
கவர்மெண்ட் பாட்டில்கள்!

தினந்தோறும்,
எங்களின் புனிதயாத்திரைகள் யாவும்
“டாஸ்மாக்”
நோக்கியே நிகழும்.

சொர்க்கத்திலிருந்து
தூக்கியெறியப்பட்டவர்களாய்,
கல்லூரியை முடித்தவுடன்
கண்கள் கலங்கும்
பிரிந்து போன
நண்பர்களுக்காக அல்ல
பிடரியை பிடிக்கும்
பிரச்சினைகளுக்காக!

இப்போதுதான்
வந்து தொலைக்கும்
எம் மூத்தோரின்
நினைவுகள்!

எத்தனையோ முறை
எகத்தாளமாய்
எக்காளமிட்டோம்
அவர்களைப் பார்த்து!

வீடு வீடாய்
ஏறியிறங்கி
எச்சிலை நாய்போல
துரத்தியடிக்கப்படும்
மார்க்கெட்டிங் வேலையும்
பாதி வயிற்றை நிரப்பும்
பகுதி நேர வேலையுமாய்
காலச்சக்கரத்தை உருட்ட
அவர்கள் படும் கஷ்டமெல்லாம்
கண்ணெதிரே தோன்றும் போது
கண்ணை மூடிக்கொண்ட
கடவுளும்
கவர்மெண்டும்
எங்களின் விரோதியானார்கள்
எத்தனையோ பேர்
எதிர்த்துப் போராடினர்
பிரச்சினைகளின் ஆணிவேரை
பிடுங்கியெறிய!

எள்ளி நகையாடினோம்
எல்லாம் இழந்தபிறகு
ஏங்குகிறோம்
எவனாவது வரமாட்டானா?
பகல்நேர சூரியனாய்!
பகத்சிங்கின் பேரனாய்!!

நன்றி: விடிவெள்ளி (http://vidivellee.wordpress.com/)

சரசுவதி – சாராயவதி (புரட்சிகர கவிதை)

வெள்ளைக் காரன்
கொல்லைப் புறமா
நுழைஞ்ச போது,

பல்லைக் காட்டின
பனியாக் கும்பல்,

சரச மாட
சரசுவதிய அனுப்புச்சு!

அசிங்கமா இருந்தாலும்,
அவ ஆங்கிலத்த,
அசத்தலாவே பேசினா!
இந்தத் தேவடியாத் தனத்துல
தேவ பாசையே மறந்து போச்சு!

அடையாளம் தெரிஞ்சாலும்,
அப்பான்னு கூப்பிட
முடியாத பிள்ளைகள்,
அவன் போனதுக்கப்புறம்
வந்து நிக்குது
வாரிசுரிமைக்கு!

அப்பன் புத்தி
அப்படியே இருந்தாலும்,
அரசுக்கல்வி, இலவசக்கல்வின்னு
அமர்க்களமாதான் ஆரம்பிச்சான்!

எல்லாரும் படிச்சாதான்
ஏமாத்த முடியும்னு
அனைவருக்கும் கல்வின்னான்!

ஆடுமாடு மேய்க்கிற மாதிரி
அடைச்சு வச்சே பழக்கின
அப்பாவி சனமெல்லாம்
அப்பன்காரன் கல்விதான்
அருமைன்னு சொல்ல வச்சான்
அங்கதான் ஆப்பு வச்சான்!

அப்பப்ப ஆளெடுத்து
அரசு வேலைன்னு
அசர வச்சான்!

அயல் நாட்டுக்குப் போனாதான்
அருமைன்னு நினைக்க வச்சான்!
அங்க் போ முண்டமெல்லாம்
ஆமான்னு த்லையாட்ட,
அட்ரா சக்க,
அப்படித்தான் சொல்லனும் னான்!
அந்த சந்துல தான்
வந்தான் கொஞ்சம் பேரு!
அவன் யாரு?

நீயெல்லாம்
மாடு மேய்க்கத்தாண்டா
இலாயக்கு என்று,
மண்டையில் கொட்டிய
வழுக்கைத் தலை வாத்தியாரை,
வன்மத்துடன் முறைத்தபடி,
வாங்கறது கவர்மெண்டு காசுன்னா
வாய்க்கொழுப்பு நெண்டத்தானே
செய்யும் என் வசைபாடியவர்கள்
எல்லாம் வந்து குதித்திருக்கிறார்கள்,
கல்வித்தந்தைகளாக,
கற்பகத் தருவை ஏந்தியபடி,
கண்டவுடன் குலை நடுங்கியது
கலை மகளுக்கு!

சங்கடத்தில்
நெஞ்சுக் கூசியது,
சாராய ரவுடிகளைக்
கொந்சுவதற்கு!

ஆனாலும் என்ன செய்ய,
அர்ச்சனை பாடி
தட்சணை கேட்பது
அரசாங்கமாச்சே!

வீறு கொள்ள வேண்டிய
வீணை நரம்புகளை
அடக்கி வாசித்துப் பழகினாள்!

கற்பகத் தருவெல்லாம்
அங்கங்க முளைச்சு
ஆலமரமா வளர்ந்தது!
அந்த நிழலுல
அடிபட்டுப் போச்சு
அரசுக் கல்வி!
ஆயிரங்கள வாங்கி
அலுத்துப் போச்சு!
லட்சிய மெல்லாம்
லட்சந்தான்னான்!

சரக்கு வித்து
சரசுவதியைப் புடிச்சான்,
சரசரன்னு வளர்ந்து
சர்க்காரையும் புடிச்சான்!

இலவசக் கல்விய
இழுத்து மூடத்துடிச்சான்!

துட்டுக் காரனுக்குப்
பட்டு மெத்தையை விரிச்சவன்,

சாமானிய மக்களை
சவக்குழிக்குப் போங்கிறான்!

கல்லூரியின்னு
கல்லறையைக் கட்டுறான்,

காமதேனுவா நினைச்சுக்
காசாக் கறக்குறான்!

கடுப்புக் காட்டினா
செருப்பக் கழட்டுறான்!

செவத்து மறைப்புல
செய்யறத மறைக்கிறான்!

ஆசையைக் காட்டி
காசை அள்ளிக் குவிக்கிறான்!

காசக் காட்டி
கவர் மெண்டை வளைக்கிறான்!

இலவசக் கல்வியை
இழுத்து மூட வைக்கிறான்!

புழுத்தக் கல்வியை
காசா பழுக்க வைக்கிறான்!

சலிச்சுப் போன் சனமெல்லாம்
உச்சு கொட்டுது,
உர்ருன்னு பாக்குது,
சத்தம் போடுது,
இரத்தம் கக்குது,
சிவப்பு வந்தவுடன்
சீறி நிக்கப் போகுது
உளுத்துப் போன
கவர்மெண்ட உடைக்கப்போகுது!!

– செஞ்சுடர்

என்னை உறங்கவிடவில்லை!

“ஈழம் என்னடா
மயிரு ஈழம்…
அங்கு என்ன-உங்க
அக்காளையா…”

என்னை
செவிடாக்கி-எழுந்த
உயிர்வலி
இன்னும்-ஓயவில்லை!

வழக்குரைஞர்களின்
குருதி குடித்த
ஈரம் காயுமுன்னே
அடுத்த குறி
கல்லூரி மாணவர்களை!

“ஈழத்திற்கு ஆதரவா?
கோர்ட்டுக்குள்ளே
புகுந்து விளையாடிய
எமக்கு
கல்லூரியெல்லாம்
கால் தூசு..”

கேட்டுப்பார்
நீதித் தேவதையை
சிறீ கிருஷ்ணாவை!

கொக்கரிக்கிறது
கருணாநிதியின்
காலாட்படை!

பிடறியைப் பிடித்து
குரல்வளை நெறித்து
உள்ளாடையோடு நிறுத்தி
நிராயுதபாணிகளை
லத்திக்களும்-பூட்ஸ்
கால்களும் பதம் பார்க்க…
வருவோர் போவோரும்
இதில் சேர… அட
வழமையான
சித்திரவதைகள்
பழகிப்போன-ஒன்றுதான்
எமது தோழர்களுக்கு!

“ஈழம் என்னடா
மயிரு ஈழம்…
அங்கு என்ன-உங்க
அக்காளையா…”

அப்பப்பா
எப்படித்தான்
எதிர் கொண்டனரோ
இக்கொடிய
தாக்குதலை!

அநியாயப் போரை
எதிர்க்கும்-சிங்கள
ஜனநாயகவாதிகளை
கொல்லும் இராஜபக்சே!

ஈழத் தமிழனின்
சுய-நிர்ணய உரிமைக்கு
குரல் கொடுக்கும்
சகத் தமிழனையே
குதறும் கருணாநிதி!

சொந்த மண்ணில்
அநாதைப்
பிணங்களாய்
ஈழத்தமிழன்
விரவிக்கிடக்க…
அம்பானி, டாடாவின்
‘வாழ்வுரிமை’க்காய்
வரிந்து பேசச்சென்ற
பிரணாப்!

இது
இனவெறிப் போர்
மட்டும் தான்- என்று
யார் சொன்னது?

அவிழ்த்து விடப்பட்ட
வெறிநாய்க் கூட்டங்களென
கையில்
கிடைத்ததைக் கொண்டு
கண்ணில்
எதிர்பட்டதையெல்லாம்
பாய்ந்து குதறி்யபோது
இதன் பிறப்பே
இப்படித்தான்
என்றிருந்தேன்!

“ஈழம் என்னடா
மயிரு ஈழம்…
அங்கு என்ன-உங்க
அக்காளையா…”

இதை
சிங்களனல்லாத
இங்குள்ளவனே
கேட்டதனால்
குடைந்தெடுக்கிறது…
சந்தேகம்
வலுக்கிறது…
“சிங்களனுக்கு
பொறந்ததுவோ-இந்த
போலீசு கூட்டங்களென்று!”
எது
எப்படியோ?

நாளை
சிறையிலிருந்து
மீண்டுவரும்
தோழர்களை
நான்
எப்படி எதிர்கொள்வேன்!

“ஈழம் என்னடா
மயிரு ஈழம்…
அங்கு என்ன-உங்க
அக்காளையா…”

என்னை
செவிடாக்கி-எழுந்த
உயிர்வலி
என்னை
உறங்கவிடவில்லை!

-இளங்கதிர்

தியாகி முத்துக்குமரனுக்கு

நாடார் குல சிங்கம் என்ற
சுவரொட்டிகள் இரங்கல்
தெரிவிக்கின்றன உனக்கு
முத்துக்குமரா
சாதிபெருமையில் நீ
வாழவில்லை
சாதிபெருமை சொல்லி
நீ சாகவில்லை
தெளிவாய் கூறிவிட்டாய்
தானொரு
தமிழ் சாதியென்று
அதன் மூலம்
உன் தியாக சூரியனை
மறைக்க முயன்ற சாதி
மேகத்தை
உன் மரணசாசன சூறைக்
காற்றால் கலைத்துவிட்டாய்!

பிணம் திண்ணும் கழுகுகளை
போல, ஓட்டுபொறுக்கிகள்
உன் தியாகத்தை சுற்றி சுற்றி
வருகின்றனர்.
முத்துக்குமரா
“விடமாட்டோம்
புரட்சிகர போராட்டம் என்ற
கத்தியை கொண்டு
அக்கழுகுகளை வெட்டி
கூறுபோடுவோம்”!

பற்றி எரியும் ஈழத்தை
அணைக்க நீ பற்றி எரிந்தாய்
முத்துக்குமரா
உன் தியாக சுடர் பற்றிய
மாணவர் போராட்டத்தால்
இனி தமிழகமே பற்றி எரியும்!

ஈடுயிணையற்ற
உன் இழப்புக்கு
இழப்பீட்டு தொகை
2 இலட்சமாம்
அறிக்கை மலம் அள்ளி
வீசுகிறான் அய்யோக்கியன்
கருணாநிதி
முத்துக்குமரா,
கந்தல் துணியால் கஞ்சி
பானையை மூடலாம்
பந்தல் துணியால் பசிபிக்
கடலை மூட முடியாது!

வறுமையும் வருமானமின்மையும்
அல்ல
ஈழத்தமிழரின் அவலமே
உன்னை வாட்டியது
முத்துக்குமரா,
அதுதான் உன் தியாகத்தை
உலகிற்கு அடையாலம்
காட்டியது
மூங்கில் காடாய் கிடந்த
மாணவர் வர்க்கத்திடம்
போராட்ட தீயை மூட்டியது
உணர்வற்று கிடந்த
நடமாடும் பிணங்களுக்கு
தமிழ் உணர்வை ஊட்டியது!

பற்றி எரியும் போது
அய்யோ அம்ம
என்று கதறுவார்கள்
முத்துக்குமரா,
நீயும் கத்தினாய்
அய்யோ அம்மா
எறிகிறதே எறிகிறதே
ஈழம் பற்றி எறிகிறதே என்று
தன் வலி பொறுத்து
தாயக குமுறலை உன்
வாய் பிளிர்ந்தது.
மாவீரனே உன் தியாகம்
ஈழத்தின் விடுதலை தாகம்!

கோழைத்தனத்தில்
துணிச்சல் மிக்க வடிவமே
தற்கொலையாம்
முத்துக்குமரா,
நீ செய்தது தற்கொலை அல்ல
ஈழததமிழ் மக்களின்
சுயநிர்ணய உரிமைக்கான
தற்கொடை
உன் கொடையால்
வெகுண்டெழும் உணர்வு
படை
அது இந்திய மேலாதிக்கத்தை
முறியடிக்கும் வெற்றிபடை!

ஒரு நாள் கூத்தல்ல
உன் தியாகம்
முத்துக்குமரா,
மெச்சுவிட்டு பின்
மறந்துபோவதற்கு
தமிழரின் வரலாற்று மூளையில்
அது நீங்காத நினைவலைகள்!

உயிரோடு இருந்தபோது
ஈழவுணர்வில் எரிந்தாய்
உயிர்விடுபோது
தீ பற்றி எரிந்தாய்
எரிந்து முடித்த பின்
தமிழகத்தின் போராட்டமாய் நீ
பற்றி எரிகிறாய்
முத்துக்குமரா
அரசின் அடக்கு
முறையாலும்
ஊடக மறைப்பு முறையாலும்
அணைக்க முடியாத
அணையா தீபம் நீ!

கொக்கரித்த பார்ப்பன
கும்பலின் கொட்டம்
சத்தம் கேட்கவில்லை
முத்துக்குமரா,
அவையின் குரல்வளையை
அறுத்து எரிந்துவிட்டது
உன் உயிராயுதம்!

உன் அறை தோட்டத்தில்
பல புத்தக மலர்கள்
முத்துக்குமரா,
அனைத்தும் மார்க்சிய
மலர்களாய் இருந்திருந்தால்
21ம் நூற்றாண்டின்
பகத்சிங்காய் எங்கள்
மனங்களில் வாசம்
வீசியிருப்பாய்

ஆனாலும் என்ன?
ஒப்பற்ற தியாகியாய்
உன்னை நாங்கள்
முகர்ந்து கொள்கிறோம்!

40 மலம் திண்ணும்
பன்றிகள்
234 இரத்தம் குடிக்கும்
ஓநாய்கள்
102 நகராட்சி பேய்கள்
12500 கிராமத்து
தருதலைகள்
இவைகளின் அடியாட்கள்
அல்லக்கைகள் யென
யாராலும் யெழவைக்க
முடியாத மரணித்து
கிடந்த மாணவர் பேரெழுச்சியை
தனியொரு மனிதாய்
எழவைத்தாய்
முத்துக்குமரா,
இனி
ஈழத்தை மூடியுள்ள
இருள் விலகிவிடும்!

– நக்சல்பாரியன்